‏’عمران خان ریاست مدینہ کیلیے موذن کا کردار ادا کر رہے ہیں‘‏

مولانا فضل الرحمان ، ن لیگ اورپیپلزپارٹی نے بھی مدینہ کی ریاست کا نعرہ لگایا، جبکہ عمران خان ریاست مدینہ کیلئے موذن کا کردار ادا کررہے ہیں، معاون خصوصی علامہ طاہرمحمود اشرفی

دانش احمد انصاری اتوار 28 نومبر 2021 21:50

‏’عمران خان ریاست مدینہ کیلیے موذن کا کردار ادا کر رہے ہیں‘‏

لاہور(اُردو پوائنٹ ،اخبارتازہ ترین ۔ 28 نومبر 2021ء ) معاون خصوصی علامہ طاہرمحمود اشرفی نے اپنے ایک بیان میں کہا ہے کہ مولانا فضل الرحمان ، ن لیگ اورپیپلزپارٹی نے بھی مدینہ کی ریاست کا نعرہ لگایا، جبکہ عمران خان ریاست مدینہ کیلئے موذن کا کردار ادا کررہے ہیں، ۔ تفصیلات کے مطابق لاہور میں پریس کانفرنس کرتے ہوئے علامہ طاہر اشرفی نے کہا کہ پاکستان میں مذہبی آزادی اطمینان بخش ہے ‏اسلام جبر کی بنیاد پر مسلمان بنانے کا قائل نہیں کوئی جبری مذہبی تبدیل کرنےکی کوشش کرےتو اسلام کانمائندہ ‏نہیں جبر کی بنیاد پر کلمہ پڑھانے والوں کی مذمت کرتے ہیں۔

انہوں نے کہا کہ مسیحی برادری کے پاس جاکر حقیقی مسائل سن کر حل کریں گے ذاتی مسئلے کے مسائل کو ‏مذہب سے نہیں جوڑا جاسکتا متحدہ علما بورڈ نے 113 کیسز کا فیصلہ کیا ہے ناموس رسالت توہین مذہب کو ‏باہمی بات چیت سےحل کرناہوگا عمران خان نے انٹرویو میں کہا اسلام جبر کا قائل نہیں کسی بھی مذہب سے ‏متعلق پروپیگنڈا نہیں ہونا چاہئے۔

(جاری ہے)

طاہر اشرفی نے کہا کہ نابالغ اور جبری شادیاں ناقابل قبول ہیں فیصلہ کیا ہے ایک وفد تمام مذاہبی قائدین ‏سےملکرمسائل کاحل نکالےگا 4 دسمبر کو لاہور میں مسیحی برادری کے مقتدر قائدین سے ملاقات کریں گے بیٹی ‏کسی بھی مذہب سے ہوقوم کی بیٹی ہے تحفظ سب کی ذمہ داری ہے 16رکنی کمیٹی میں تمام مذاہب کے لوگ ‏شامل ہیں۔