باپ کا بیوی سے جھگڑا ،8سالہ بچی کو گولی مار کر ہلاک کر دیا ،ملزم گرفتار

جمعرات 2 دسمبر 2021 18:57

ساہیوال(اُردو پوائنٹ اخبارتازہ ترین - این این آئی۔ 02 دسمبر2021ء) نواحی چک56۔جی ڈی میں باپ نے 8سالہ بچی کو گولی مار کر ہلاک کر دیا ملزم گرفتار کرلیا گیا۔

(جاری ہے)

واقعات کے مطابق اسی چک کے لیاقت علی اور اسکی بیوی شمیم بی بی کے در میان اسکی بھانجی کی واپسی کے تنازعہ پر پھڈا ہو گیا اور لیاقت علی نے اپنے دوست سخی فتیانہ کے ہمراہ طیش میں آکرشمیم بی بی پر گولی چلادی لیکن اس کی بیوی خوش قسمتی سے بچ گئی ۔

لیکن گولی اسکی بیٹی8سالہ سدرہ کی چھاتی میں لگی ۔سدرہ کو شدید زخمی حالت میں ساہیوال ٹیچنگ ہسپتال لایا گیا جہاں بچی دس یوم تک زندگی اور موت کی کشمکش میں مبتلا رہنے کے بعد چل بسی ۔پولیس بہادر شاہ نے لاش پوسٹ مارٹم کے بعد ورثاء کے سپرد کر دی ۔پولیس نے مقدمہ 302,324اور34 ت پ درج کر کے باپ لیاقت علی اور دوست سخی فتیانہ کو گرفتار کر لیا۔