حیدرآباد، مفرور ملزم چوری شدہ کار اور چرس سمیت گرفتار

جمعہ 3 دسمبر 2021 16:18

حیدرآباد،   مفرور ملزم چوری شدہ کار اور چرس سمیت گرفتار
حیدرآباد(اُردو پوائنٹ اخبارتازہ ترین - اے پی پی۔ 03 دسمبر2021ء) حیدرآباد  پولیس نے ایک   مفرور ملزم کو چوری شدہ کار اور چرس سمیت گرفتار کرلیا۔ترجمان پولیس کے مطابق   تھانہ اے ۔

(جاری ہے)

سیکشن پولیس  کو اطلاع موصول ہوئی کہ مختلف مقدمات میں مفرور ملزم صدام لاشاری مزار والی ایک کار میں سوار ہو کر لطیف آباد نمبر 7 میں کسی واردات کی نیت سے گھوم رہا ہے جس پر پولیس نے بروقت کاروائی کرتے ہوئے ملزم کو  الٹو کار سمیت گرفتار کرلیا۔

انہوں نے بتایا کہ دوران  تلاشی کار کے اندر سے 5 کلو 400 گرام چرس برآمد ہوئی اور ملزم کے قبضے سے برآمد الٹو کار نمبر اے پی ای 710  تھانہ فیروزآباد ضلع ایسٹ کرآچی کی حدوود سے چوری شدہ ہے۔انہوں نے مزید بتایا کہ   گرفتار ملزم صدام چوری ڈکیتی، رہزنی، غیر قانونی اسلحہ اور پولیس مقابلے سمیت دیگر کئی سنگین وارداتوں میں ملوث رہا ہے ملزم کے خلاف مزید تفتیش شروع کردی  گئی ہے۔
>