جیکب آباد میں پولیس نے غیرت کے نام پر ماں کو قتل کرنے والے سوتیلے بیٹے کو گرفتار کرلیا

جمعہ 3 دسمبر 2021 22:09

جیکب آباد(اُردو پوائنٹ اخبارتازہ ترین - این این آئی۔ 03 دسمبر2021ء) جیکب آباد میں پولیس نے غیرت کے نام پر ماں کو قتل کرنے والے سوتیلے بیٹے کو گرفتار کرلیا۔

(جاری ہے)

تفصیلات کے مطابق جیکب آباد کے مبارکپور تھانہ کی حدود گاؤں حرمت کیھر میں غیرت کے نام پر قتل ہونے والی خاتون 35 سالہ مسمات سبھائی کے قتل میں ملوث سوتیلے بیٹے کامل ولد عامل کیھر کو پولیس نے گرفتار کرلیا ہے، پولیس کے مطابق گھریلو تنازعہ پر اپنی سوتیلی ماں کو قتل کرنے والے ملزم کامل کیھر کو گرفتار کرکے ملزم کے قبضے سے آلہ قتل ٹی ٹی پسٹل بھی برآمد کرلیا ہے اور گرفتار ملزم کے خلاف تھانہ مبارکپور پر قانونی کاروائی کردی گئی ہے۔