بلغاریہ کی سفیر کا پنجاب یونیورسٹی کا دورہ

وائس چانسلر پروفیسر نیازاحمداختر سے ملاقات، باہمی دلچسپی کے مختلف امور پر تبادلہ خیال

منگل 7 دسمبر 2021 21:55

لاہور (اُردو پوائنٹ اخبارتازہ ترین - آن لائن۔ 07 دسمبر2021ء) بلغاریہ کی سفیر آئرینا گانچیوا نے پنجاب یونیورسٹی کا دورہ کیا اور وائس چانسلر پروفیسر نیازاحمداختر سے ملاقات کی۔ اس موقع پر ڈائریکٹر ایکسٹرنل لنکجز ڈاکٹر ثوبیہ خرم و دیگر نے شرکت کی۔ ملاقات میں باہمی دلچسپی کے مختلف امور پر تبادلہ خیال کیا گیا۔

(جاری ہے)

وائس چانسلر پروفیسر نیازاحمد اختر نے کہا کہ دونوں ممالک کے درمیان اعلی تعلیم کے شعبے میں تعاون کو فروغ دینے کے خواہاں ہیں۔ انہوں نے کہا کہ پاکستان اوربلغاریہ کی یونیورسٹیوں میں اساتذہ و طلباء کے وفود کا تبادلہ ہونا چاہیے۔آئرینا گانچیوا نے کہا کہ ملکی و عوامی سطح پر دونوں ممالک میں تعلقات کو مضبوط کرنا چاہتے ہیں۔