ٹک ٹاک نے دیگر ایپس پرموجود دوستوں کو ویڈیو دعوت نامے بھیجنے پر کام شروع کردیا

ٹک ٹاک نے تھرڈ پارٹی ایپس سے آپ کی ویڈیو شیئر کرنے کے آپشن پر تجرباتی آزمائش شروع کردی

منگل 11 جنوری 2022 21:59

بیجنگ(اُردو پوائنٹ اخبارتازہ ترین - این این آئی۔ 11 جنوری2022ء) 2021ٹک ٹاک کا سال تھا جہاں اس ایپ نے اپنی مقبولیت کے نئے ریکارڈ قائم کئے۔ اب ایک نئے آپشن کی آزمائش شروع کردی گئی ہے جس کی بدولت آپ اپنے ایسے دوستوں سے رابطہ کرکے انہیں ٹک ٹاک ویڈیو دیکھنے کی دعوت دے سکتے ہیں جو دیگر ایپس پر موجود ہے۔میڈیارپورٹس میں بتایاگیاکہ ٹک ٹاک تجزیہ نگاروں کے مطابق بعض ٹک ٹاک صارفین کی ایپ پر یہ فیچر کھلا ہے۔

اس میں وہ تھرڈپارٹی سافٹ ویئر اور ایپس استعمال کرنے والے دوستوں سے اپنی ویڈیو شیئر کرسکتے ہیں۔ اس کے بعد وہ خودکار انداز میں آپ کے فالوور بن جاتے ہیں۔ اس سے ویڈیو اور فالوورز دونوں کو بڑھانے میں مدد مل سکتی ہے۔ٹک ٹاک کے مطابق اگر آپ کا ایک دوست آپ کی ویڈیو دیکھتا ہے تو وہ مزید دوستوں کو ٹک ٹاک تک لے آئے گا اور یوں ویڈیو کی مشہوری کا سلسلہ چلتا رہے گا۔

(جاری ہے)

تاہم آخر میں فائدہ ٹک ٹاک کو ہی ہوگا جس کے بعد وہ دیگر پلیٹ فارم کے صارفین کو اپنی جانب راغب کرسکے گا۔ وجہ یہ ہے کہ جیسے ہی وہ شیئرکی جانے والی ویڈیو دیکھیں گے تو اس کے لیے اکانٹ بنانا ہوگا۔اگرچہ اس میں کئی لوگوں کو دھڑا دھڑ مدعو کیا جاسکتا ہے جو اسپیمنگ کی شکل اختیار کرسکتا ہے۔ اسی لیے فی الحال ایک وقت میں ایک دوست سے ہی ویڈیو شیئر کی جاسکتی ہے۔ پھرقریبی جڑے ہوئے دوستوں سے ہی رابطہ ممکن ہے اور کسی بھی طرح دودراز اجنبیوں تک ویڈیو شیئر کرنا ممکن نہیں۔دوسری جانب اس آپشن سے نئے ٹک ٹاکر کو مدد ملے گی جو ابتدائی درجے میں اپنی ویڈیو کی مقبولیت کے لیے کوشاں ہیں۔

Facebook Twitter Google + Share on Whatsapp

ٹک ٹاک نے دیگر ایپس پرموجود دوستوں کو ویڈیو دعوت نامے بھیجنے پر کام شروع کردیا

ٹک ٹاک نے تھرڈ پارٹی ایپس سے آپ کی ویڈیو شیئر کرنے کے آپشن پر تجرباتی آزمائش شروع کردی

متعلقہ عنوان :

مزید بین الاقوامی خبریں