ہزارہ یونیورسٹی مانسہرہ کے ڈیپارٹمنٹ آف اسلامی اینڈ ریلیجس سٹڈیز کی اسلامک سوسائٹی کے زیر اہتمام نعتیہ مقابلے کا انعقاد

بدھ 19 جنوری 2022 16:55

ہزارہ یونیورسٹی مانسہرہ کے ڈیپارٹمنٹ آف اسلامی اینڈ ریلیجس سٹڈیز کی ..
مانسہرہ(اردو پوائنٹ تازہ ترین اخبار ۔ 19 جنوری 2022ء) :ہزارہ یونیورسٹی مانسہرہ کے ڈیپارٹمنٹ آف اسلامی اینڈ ریلیجس سٹڈیز کی اسلامک سوسائٹی  کے زیر اہتمام نعتیہ مقابلے کا انعقاد کیا گیا۔بدھ کے روز منعقدہ نعتیہ مقابلہ کے مہمان خصوصی ڈین فیکلٹی آف لاء اینڈ سوشل سائنسز پروفیسر ڈاکٹر اذکیا ہاشمی تھے۔نعتیہ مقابلے میں یونیورسٹی کے مختلف تعلیمی شعبہ جات کے طلبا و طالبات نے شرکت کرتے ہوئے رسول اللہ  ﷺکے حضور اپنے مخصوص انداز میں عقیدت کے پھول نچھاورکئے۔

نعتیہ مقابلے میں ڈ ی پی ٹی ڈیپارٹمنٹ کی طالبہ حلیمہ تاج نے پہلی، آرٹ اینڈ ڈیزائن ڈیپارٹمنٹ کے عدیل ارشد نے دوسری جبکہ بائیوکیمسٹری ڈیپارٹمنٹ کے محمد ابراہیم اور آرٹ اینڈ ڈیزائن ڈیپارٹمنٹ کی مسکان نے مشترکہ طور پر تیسری پوزیشن حاصل کی۔

(جاری ہے)

نعتیہ مقابلے میں ججز کے فرائض ڈاکٹر محمد فیاض، ڈاکٹر سعید الحق جدون، محمد معروف صدیقی اور قاری تاج مسعود نے سرانجام دیئے۔

پروگرام کے اختتام پر اسلامک سوسائٹی کے پیٹرن ڈاکٹر شاہدامین نے طلباو طالبات سے خطاب میں نعت گوئی کی اہمیت وفضیلت پر گفتگو کرتے ہوئے کہا کہ حضرت  محمدﷺ کی ذات اقدس سے تعلق اور اسوہ حسنہ کو اپنانے میں ہی مسلمانوں کی نجات ہے جبکہ مسلم امہ کو درپیش چیلنجزکا مقابلہ بھی نبی کریم ﷺ کی سنت پر عمل پیرا ہونے سے ہی ممکن ہے۔ ڈاکٹر شاہد امین نے طلباء و طالبات،، فیکلٹی ممبران،اسلامک سوسائٹی کے ممبران اور دیگر مہمانوں کا شکریہ ادا کیا اور نمایاں کارکردگی کا مظاہرہ کرنے والے طلباء و طالبات کو مبارک باددی۔

متعلقہ عنوان :