Live Updates

خانیوال ،علامہ اقبال اوپن یونیورسٹی نےداخلوں کی تاریخ میں دو اکتوبر تک توسیع کردی

منگل 16 ستمبر 2025 16:45

خانیوال (اُردو پوائنٹ اخبارتازہ ترین - اے پی پی۔ 16 ستمبر2025ء) علامہ اقبال اوپن یونیورسٹی نے سمسٹر خزاں 2025 میں پیش کئے گئے سر ٹیفکیٹ کورسزمیٹرک،ایف اے، ایسوسی ایٹ ڈگری(دو سالہ)،پی جی ڈی،بی ایڈاور بی ایس دو سالہ،اڑھائی سالہ اور چار سالہ کے داخلہ جات میں 02اکتوبر 2025ء تک توسیع کر دی ہے ۔یہ بات ریجنل ڈائریکٹر ملتان غلام حسین کھوسہ نے کہی۔انہوں نے مزید کہا کہ وائس چانسلر علامہ اقبال اوپن یونیورسٹی اسلام آباد پروفیسر ڈاکٹر ناصر محمود نے سیلاب سے متاثرہ علاقوں کے طلباء وطالبات کے لیے 120ملین روپے فیس میں رعایت کی مد میں اعلان کیا ہے - میٹرک،ایف اے/آئی کام،ایسوسی ایٹ ڈگری اوربی ایڈپروگرامزمیں طلباء وطالبات آن لائن یا داخلہ فارم پر اپلائی کرسکتے ہیں جب کہ دیگر پروگرامز میں داخلہ جات آن لائن اپلائی کر سکتے ہیں ۔

(جاری ہے)

آن لائن اپلائی کے لیے علاقائی کیمپس واقع شاہ رکن عالم کالونی ملتان میں فرنٹ ڈیسک بھی قائم کیا گیا ہے جہاں سے طلبا ء وطالبات کسی بھی اضافی فیس کے بغیر آن لائن داخلہ اپلائی کرسکتے ہیں ۔تمام طلباء و طالبات داخلہ فیس الائیڈ بینک لمٹیڈ،مسلم کمرشل بینک لمٹیڈ،فرسٹ وویمن بینک لمٹیڈاور نیشنل بینک آف پاکستان کی کسی بھی برانچ یاجاز کیش،ایزی پیسہ اور یو پیسہ کے ذریعے بھی جمع کروا سکتے ہیں۔ تمام پراسپیکٹس یونیورسٹی ہذا کی ویب سائٹ www.aiou.edu.pkسے بھی ڈاؤن لوڈ کی جا سکتی ہیں۔داخلہ جات بارے مزید معلومات کے لیے فون نمبر061-9220201 & 61-9330410پر رابطہ کریں۔\378