ایچ ای سی نے یو ایس اے ٹی اور ایچ اے ٹی ٹیسٹ کی رجسٹریشن کی تاریخ میں توسیع کر دی

بدھ 10 ستمبر 2025 22:46

اسلام آباد (اُردو پوائنٹ اخبارتازہ ترین - این این آئی۔ 10 ستمبر2025ء)ہائیر ایجوکیشن کمیشن نے انڈرگریجویٹ سٹڈیز داخلہ ٹیسٹ اور ہائر ایجوکیشن اپٹیٹیوڈ ٹیسٹ کیلئے رجسٹریشن کی تاریخ میں توسیع کر دی ہے۔ اب امیدوار 20ستمبر تک رجسٹریشن کرا سکتے ہیں۔ایچ ای سی کے مطابق یہ فیصلہ طلبہ کی سہولت کو مدنظر رکھتے ہوئے کیا گیا ہے تاکہ زیادہ سے زیادہ امیدوار بروقت رجسٹریشن کر کے ان داخلہ ٹیسٹس میں شرکت کر سکیں۔

(جاری ہے)

ایچ ای سی نے طلبہ پر زور دیا ہے کہ وہ مقررہ تاریخ سے قبل رجسٹریشن مکمل کریں تاکہ کسی بھی قسم کی پریشانی سے بچا جا سکے۔ مزید معلومات اور اپ ڈیٹس کے لیے طلباکو ہدایت کی گئی ہے کہ وہ ایچ ای سی کے سوشل میڈیا پلیٹ فارمز پر فالو کریں۔یاد رہے کہ یو ایس اے ٹی ٹیسٹ ان طلبہ کے لیے لازمی ہے جو ایم ایس/ایم فل اور پی ایچ ڈی پروگراموں میں داخلہ کے خواہشمند ہیں، جبکہ ایچ اے ٹی ٹیسٹ ہائر ایجوکیشن کے مختلف وظائف اور داخلوں کے لیے درکار ہوتا ہے۔

Facebook Twitter Google + Share on Whatsapp

ایچ ای سی نے یو ایس اے ٹی اور ایچ اے ٹی ٹیسٹ کی رجسٹریشن کی تاریخ میں توسیع کر دی

متعلقہ عنوان :

مزید تعلیم کی خبریں