لولی لنگڑی ،بیساکھیوں اور فون کالز کے سہارے چلنے والی حکومت عوامی حمایت کھو چکی ‘ عظمیٰ بخاری

تبدیلی عام آدمی کیلئے وبال جان بن چکی ،عمران خان نے ملکی خودمختاری اور سالمیت آئی ایم ایف کے سامنے سرنڈر کردی

ہفتہ 29 جنوری 2022 16:39

لولی لنگڑی ،بیساکھیوں اور فون کالز کے سہارے چلنے والی حکومت عوامی حمایت ..

لاہور(اُردو پوائنٹ اخبارتازہ ترین - این این آئی۔ 29 جنوری2022ء) مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ پی ٹی آئی ووٹ لے کر نہیں جہاز اور بوٹ کی طاقت سے اقتدار میں آئی،جہاز پی ٹی آئی سے ا لگ ہوگیا اب بوٹ کے الگ ہونے کی باری ہے،لولی لنگڑی ،بیساکھیوں اور فون کالز کے سہارے چلنے والی حکومت عوامی حمایت کھو چکی ہے۔

(جاری ہے)

اپنے بیان میں انہوں نے کہا کہ تبدیلی عام آدمی کیلئے وبال جان بن چکی ہے،عمران خان نے ملکی خودمختاری اور سالمیت آئی ایم ایف کے سامنے سرنڈر کردی ہے،ابسلوٹلی ناٹ کہنے والا وزیراعظم ایک ارب ڈالر کے چکر میں آئی ایم ایف کے سامنے لیٹ گیا ہے۔

انہوں نے کہا کہ دو سو ارب ڈالر آئی ایم ایف کے منہ پر مارنے والا شخص ایک،ایک ڈالر کیلئے منتیں ترلوں پر آگیا ہے،ریاست مدینہ کے نام پر لوگوں کے جذبات سے کھیلا جا رہا ہے۔عمران خان نے راوی ریور پراجیکٹ کا دورہ کرکے توہین عدالت کی ہے،عدالت کو اس کا نوٹس لینا چاہیے،راوی ریور پراجیکٹ کیلئے کسانوں سے زبردستی زمینیں ہتھیائی جارہی تھی۔