سیالکوٹ ،پی ٹی آئی رہنما کے بیٹے احسن عباس کی جانب سے نادرا آفس چونڈہ میں نادرا اہلکار پر تشدد اور گالیاں ، ویڈیو وائرل

منگل 22 فروری 2022 23:42

سیالکوٹ(اُردو پوائنٹ اخبارتازہ ترین - این این آئی۔ 22 فروری2022ء) سیالکوٹ میں پی ٹی آئی رہنما کے بیٹے احسن عباس کی جانب سے نادرا آفس چونڈہ میں نادرا اہلکار پر تشدد اور گالیاں دینے کا واقعہ پیش کیاواقعے کی سی سی ٹی وی ویڈیو موصول ہوگئی ہے جس میں احسن عباس کو انچارج نادرا آفس عابد کو تھپڑ مارتے دیکھا جاسکتا ہے۔

(جاری ہے)

نادرا آفس چونڈہ کے انچارج عابد عبدالرحمان کی مدعیت میں پولیس نے مقدمہ درج کرلیا ہے۔

عابد نے مقدمے میں موقف اختیار کیا کہ احسن عباس نے مجھے کال کی اور کہا کہ شوکت میتلا ہمارا ووٹر ہے، اس کا شناختی کارڈ بنوانے میں تم تعاون نہیں کرتے، اس کے بعد وہ اپنے ساتھیوں کے ساتھ دفتر آیا اور مجھے تھپڑ مارے۔واضح رہے کہ احسن عباس پی ٹی آئی کے این اے 74 کے ٹکٹ ہولڈر چودھری غلام عباس کے بیٹے ہیں۔