سگریٹ پینے سے منع کرنے پر نوجوان کو قتل کرنے والا سفاک انجام کو پہنچ گیا، ملزم کو سخت ترین سزا سنا دی گئی

گھر کے سامنے پڑوسی کو سگریٹ پینے سے منع پر قتل کے مجرم کو عدالت نے عمر قید اور بھاری جرمانے کی سزا سنادی

دانش احمد انصاری جمعہ 2 ستمبر 2022 05:47

کراچی (اردو پوائنٹ تازہ ترین اخبار ۔ 2ستمبر 2022ء ) سگریٹ پینے سے منع کرنے پر نوجوان کو قتل کرنے والا سفاک انجام کو پہنچ گیا، ملزم کو سخت ترین سزا سنا دی گئی۔ گھر کے سامنے پڑوسی کو سگریٹ پینے سے منع پر قتل کے مجرم کو عدالت نے عمر قید اور بھاری جرمانے کی سزا سنادی۔تفصیلات کے مطابق سٹی کورٹ میں ایڈیشنل ڈسٹرکٹ اینڈ سیشن جج شرقی نے فیصلہ سناتے ہوئے شہری عمران کے قتل میں ملوث ملزم قاسم کو عمر قید کی سزا کے علاوہ 5 لاکھ روپے جرمانہ بھی عائد کردیا۔

(جاری ہے)

پولیس کے مطابق گولی لگنے سے زخمی ہونے والا عمران جناح اسپتال میں دم توڑ گیا تھا۔ ملزم کے خلاف جمشید کوارٹرز تھانے میں مقدمہ درج کیا گیا تھا۔عدالت نے فیصلے میں کہا کہ ملزم جرمانے کی رقم مقتول کے ورثا کو ادا کرے۔ مدعی مقدمہ نے بتایا کہ 20 فروری 2021ء کو ملزم قاسم میرے گھر کے سامنے کھڑے ہوکر سگریٹ پی رہا تھا۔ منع کیا تو اس نے چیخنا چلانا شروع کردیا۔ لڑائی جھگڑا شروع ہوا تھا ملزم نے میرے بھائی عمران پر گولی چلادی۔