ایشیاء کپ: بھارتی آل راؤنڈر رویندرا جڈیجا انجری کے باعث ایونٹ سے باہر

بی سی سی آئی نے رویندرا جڈیجا کی جگہ اکشر پٹیل کو سکواڈ میں شامل کرلیا

ذیشان مہتاب جمعہ 2 ستمبر 2022 18:55

ایشیاء کپ: بھارتی آل راؤنڈر رویندرا جڈیجا انجری کے باعث ایونٹ سے ..

دبئی (اردو پوائنٹ تازہ ترین اخبار ۔ 2 ستمبر 2022ء ) ایشیاء کپ ٹی 20 کے اگلے مرحلے میں پہنچنے والی بھارتی ٹیم کو بڑا دھچکا لگ گیا۔ روہیت شرما الیون پاکستان اور ہانگ کانگ کو پہلے راؤنڈ میں شکست دینے کے بعد سپر فور مرحلے میں پہنچ چکی ہے۔ بھارت کو ایونٹ میں آگے افغانستان، سری لنکا اور آج کے میچ کی فاتح پاکستان یا ہانگ کانگ سے مزید میچز کھیلنا ہیں۔

اگلے مرحلے میں ایشیاء کپ اہم ترین میچز کے لیے بھارت کو اپنے قابل اعتماد آل راؤنڈر رویندرا جڈیجا کی خدمات حاصل نہیں ہوں گی۔ رویندرا جڈیجا دائیں گھنٹے کی انجری کے باعث ایشا کپ سے باہر ہوگئے ہیں۔ بھارت کرکٹ بورڈ (بی سی سی آئی) نے رویندرا جڈیجا کی جگہ اکشر پٹیل کو سکواڈ میں شامل کرلیا ہے۔ اکسر پٹیل کو بھارتی ٹیم کے اسٹینڈ بائی سکواڈ میں نامزد کیا گیا تھا وہ جلد ہی دبئی میں ٹیم کو جوائن کرلیں گے۔

(جاری ہے)

رویندرا جڈیجا گھنٹے میں چھوٹ لگنے کے باعث ٹورنامنٹ سے باہر ہوئے ہیں تاہم بی سی سی آئی کی میڈیکل ٹیم کی نگرانی میں ہیں۔ بھارتی اسکواڈ اب روہت شرما، کے ایل راہول، ویرات کوہلی، سوریا کمار یادیو، دیپک ہوڈا، رشبھ پنت ، دنیش کارتک، ہاردک پانڈیا ، آر اشون، بھونیشور کمار، اویش خان،اکسر پٹیل، یوز ویندرا چاہل اور روی بشنوئی پر مشتمل ہے۔