Live Updates

بھارت کو ایک اور سبکی کا سامنا، آئی پی ایل دبئی میں نہیں ہوسکتا، بھارتی درخواست مسترد کر دی گئی

جمعہ 9 مئی 2025 16:33

دبئی (اُردو پوائنٹ اخبارتازہ ترین - این این آئی۔ 09 مئی2025ء)ایمریٹس کرکٹ بورڈ نے بھارت کی درخواست یہ کہہ کر مسترد کر دی کہ پاکستان پی ایس ایل کے میچز کروانے کی بات کرچکا ہے۔ذرائع کے مطابق بھارت نے آئی پی ایل دبئی میں کروانے کیلیے گزشتہ روز اماراتی کرکٹ بورڈ سے رابطہ کیا۔جس کے جواب میں بتایا گیا کہ پاکستان کرکٹ بورڈ کے چیئرمین محسن نقوی کی پی ایس ایل کے میچز دبئی میں کروانے کی بات ہو چکی تھی۔

(جاری ہے)

ذرائع نے بتایا کہ ایمریٹس کرکٹ بورڈ (ای سی بی) کو پی سی بی میچز کی منتقلی کے حوالے سے بتا چکا تھا اور بھارتی بورڈ کے رابطہ کرنے پر بتایا گیا کہ پاکستان پہلے رابطہ کر چکا ہے۔8 مئی کی رات کو پی سی بی نے دبئی میں میچز کروانے کیلیے تمام معاملات طے کر کے رات گئے اعلان کیا تھا۔بھارت کو دبئی کا وینیو نہ ملنے پر آئی پی ایل کو غیر معینہ مدت کیلئے ملتوی کیا گیا۔بھارتی میڈیا رپورٹس کے مطابق اب بھارتی بورڈ ستمبر میں آئی پی ایل کی ونڈو دیکھ رہا ہے، کیونکہ ستمبر میں آئی پی ایل کروانے کی صورت میں ایشیا کپ کا انعقاد مشکل ہوگا۔