Live Updates

رجیم چینج کا سب سے بڑا کارنامہ دہشتگردی کا دوبارہ اٹھنا ہے‘ فواد چودھری

عمران خان پر قاتلانہ حملے کی تفتیش کو مسلسل سبوتاژ کرنیکی کوششیں جاری ہیں‘ بیان

ہفتہ 14 جنوری 2023 18:08

رجیم چینج کا سب سے بڑا کارنامہ دہشتگردی کا دوبارہ اٹھنا ہے‘ فواد چودھری

لاہور(اُردو پوائنٹ اخبارتازہ ترین - این این آئی۔ 14 جنوری2023ء) پاکستان تحریک انصاف کے مرکزی رہنما فواد چودھری نے کہا ہے کہ معاشی تباہی کے بعد رجیم چینج کا سب سے بڑا کارنامہ دہشتگردی کی عفریت کا دوبارہ اٹھنا ہے۔

(جاری ہے)

ٹوئٹر پر جاری اپنے بیان میں انہوںنے کہا کہ 9 ماہ میں 300 کے قریب لوگ شہید ہوئے ہیں اور زخمیوں کی تعداد کہیں زیادہ ہے، یہ سب جنگ کے بعد افغانستان کے استحکام کی تحریک انصاف کی پالیسی بدلنے کا نتیجہ ہے،، اللہ شہیدوں کو غریق رحمت کرے۔

ایک اور ٹویٹ میں انہوںنے کہاکہ عمران خان پر قاتلانہ حملے کی تفتیش کو مسلسل سبوتاژ کرنے کی کوششیں جاری ہیں، جے آئی ٹی کے سربراہ مبارکباد کے مستحق ہیں، تمام دبائو کے باوجود انہوں نے تفتیش کو آگے بڑھایا، باقی اس حملے کے واقعات کے ملزمان میںکون کہاںچھپے ہوئے ہیں سب کو ہی پتہ ہے۔