امید ہے متاثرہ بچی کو انصاف ملے گا اور پاپا کی پریاں جیل میں ہوں گی

ایسے واقعات کے ذمہ دار بچوں کے والدین ہیں جو نہیں جانتے کہ ان کے بچے کیا کر رہے ہیں؟۔ادکارہ میرب علی سمیت شوبز شخصیات کا سکول میں طالبہ پر تشدد کے واقعے پر افسوس کا اظہار

مقدس فاروق اعوان ہفتہ 21 جنوری 2023 15:29

امید ہے متاثرہ بچی کو انصاف ملے گا اور پاپا کی پریاں جیل میں ہوں گی

لاہور(اُردو پوائنٹ،اخبارتازہ ترین ۔ 21 جنوری 2023ء) ڈیفنس فیز 4 کے نجی اسکول میں نشے سے منع کرنے پر طالبہ کو ساتھی لڑکیوں نے تشدد کا نشانہ بنا ڈالا۔ تشدد کی ویڈیو منظر عام پر آگئی جس میں تین لڑکیوں کو طالبہ پر تشدد کرتے دیکھا جا سکتا ہے، مقدمہ طالبہ کے والد عمران کی مدعیت میں 19 جنوری کو درج کیا گیا۔شوبز شخصیات نے بھی واقعے پر افسوس کا اظہار کرتے ہوئے والدین کی جانب سے اپنے بچوں کی خبر نہ رکھنے پر بھی تشویش کا اظہار کیا۔

اداکار و میزبان احمد علی بٹ کا کہنا ہے کہ ایسے واقعات کے ذمہ دار بچوں کے والدین ہیں جو نہیں جانتے کہ ان کے بچے کیا کر رہے ہیں؟۔ساتھ ہی انہوں نے تعلیمی اداروں کی انتظامیہ کو بھی واقعے کا ذمہ دار قرار دیا۔انہوں نے کہا کہ منشیات کے بے جا استعمال اور میڈیا کے منفی استعمال سے ہمارے بچے اور نوجوان غلط راہ پر چلے گئے۔

(جاری ہے)

اداکارہ یشما گل نے کہا نہ جانے کب ہمارے بچوں اور نوجوانوں کو یہ بات سمجھ آئے گی کہ کسی کی تذلیل کرنا اور کسی کو تشدد کا نشانہ بنانا اچھی بات نہیں ہوتی۔

معروف صحافی انصار عباسی نے کہا کہ سکولوں کالجوں اور معاشرہ میں تربیت اور کردار سازی کے نہ ہونے کی وجہ سے ہم جانوروں کا معاشرہ بنتے جا رہے ہیں اور نئی نئی خرابیاں اور بُرایاں روز روز سامنے آ رہی ہیں۔ انہوں نے کہا کہ جو کچھ میڈیا، موبائل وغیرہ سے ہم نے اپنے بچوں کو بلا روک ٹوک پہنچا دیا ہے اس نے تو نئے نئے بگاڑ پیدا کر دیے ہیں۔

سکولوں کالجوں اور معاشرہ میں تربیت اور کردار سازی کے نہ ہونے کی وجہ سے ہم جانوروں کا معاشرہ بنتے جا رہے ہیں اور نئی نئی خرابیاں اور بُراہیاں روز روز سامنے آ رہی ہیں۔ جو کچھ میڈیا، موبائل وغیرہ سے ہم نے اپنے بچوں کو بلا روک ٹوک پہنچا دیا ہے اس نے تو نئے نئے بگاڑ پیدا کر دیے ہیں۔ https://t.co/Be68iANZfQ
— Ansar Abbasi (@AnsarAAbbasi) January 21, 2023

معروف اداکارہ میرب علی نے واقعے پر افسوس کا اظہار کرتے ہوئے امید کا اظہار کیا کہ تشدد کا نشانہ بننے والی لڑکی کو انصاف ملے گا۔انہوں نے کہا امید ہے تشدد کا نشانہ بننے والی بچی کو انصاف ملے گا اور بابا کی پریوں کو جیل بھیجا جائے گا۔

۔دوسری جانب طالبہ پر تشدد کرنے والی 3 طالبات نے ضمانت کے لیے عدالت سے رجوع کر لیا۔ عدالت نے مقدمے میں ملوث 3 طالبات کی عبوری ضمانت منظور کر لی، پولیس کو 30جنوری تک طالبات کو گرفتار کرنے سے روک دیا۔