سعودی عرب میں پہلی الیکٹرک بس سروس کا افتتاح

جمعہ 3 فروری 2023 10:50

جدہ (اُردو پوائنٹ اخبارتازہ ترین - اے پی پی۔ 03 فروری2023ء) سعودی عرب میں پبلک ٹرانسپورٹ اتھارٹی کے قائم مقام چیئرمین ڈاکٹر الرمیح بن محمد الرمیح نےجدہ میں الیکٹرک بس سروس کا افتتاح کردیا۔سعودی ْخبررساں ادارے کے مطابق سعودی پبلک ٹرانسپورٹ اتھارٹی کے قائم مقام چیئرمین ڈاکٹر الرمیح بن محمد الرمیح نے تقریب سے خطاب کرتے ہوئے کہا کہ سعودی حکومت 2030 تک کاربن اخراج 25 فیصد تک کم کرنے کے لیے کوشاں ہے۔

انہوں نے کہا کہ الیکٹریکل بس ایک مرتبہ چارج ہونے کے بعد 300 کلو میٹر کا سفر طے کرسکتی ہے۔ دیگر الیکٹرک بسوں کے مقابلے میں بجلی 10 فیصد سے بھی کم خرچ کرتی ہے۔ بس کا روٹ بلد سےالخالدیہ تک ہوگا جو مدینہ روڈ سے ہوتی ہوئی شہزارہ سعودالفیصل شاہراہ سے گزرے گی جبکہ راستے میں الخالدیہ، روضہ ، اندلس ، رویس ، البغدادیہ کے علاقوں کے شہریوں کو فائدہ پہنچے گا۔

(جاری ہے)

الرمیح نے کہا کہ درمیانے درجے کے شہروں میں پبلک ٹرانسپورٹ کے انتظامات شروع کردیئے گئے ہیں۔اتھارٹی اور میونسپلٹی مل کر یہ کام انجام دے رہے ہیں۔ جازان، صبیا، ابو عریش، طائف اور القصیم میں بھی پبلک ٹرانسپورٹ مہیا ہوگی ،رواں برس یہ منصوبہ نافذ کیا جائے گا۔ علاوہ ازیں تبوک اورالاحسا سمیت دیگر شہروں میں بھی مقامی شہریوں اور مقیم غیرملکیوں کو گھر سے دفتر لانے لے جانے کی سہولت فراہم کی جائے گی۔ افتتاحی تقریب میں سعودی پبلک ٹرانسپورٹ کمپنی (ساپٹکو) کے چیئرمین خالد الحقیل بھی موجود تھے۔

Facebook Twitter Google + Share on Whatsapp

سعودی عرب میں پہلی الیکٹرک بس سروس کا افتتاح

متعلقہ عنوان :

مزید بین الاقوامی خبریں