ایمریٹس سے سفر کرکے دبئی آئیں اور فیئر مونٹ دی پام ہوٹل میں ایک رات مفت قیام کریں

کراچی (اُردو پوائنٹ اخبارتازہ ترین۔ 06 فروری2023ء) ایمریٹس نے فیئرمونٹ ہوٹلز اینڈ ریزورٹس کے اشتراک سے مسافروں کے لئے ایک دلچسپ نئی پیشکش کا اعلان کیا ہے۔ 30 جنوری 2023 سے 13 فروری 2023 تک، وہ مسافر جو فرسٹ یا بزنس کلاس کا ریٹرن ٹکٹ خریدتے ہیں یا دبئی میں اسٹاپ اوور کرتے ہیں،وہ فیئر مونٹ دی پام ہوٹل میں ایک رات کے مفت قیام سے محظوظ ہوسکیں گے۔

یہ خصوصی آفر 13 فروری 2023 تک فروخت ہونے والے تمام ریٹرن ٹکٹس یا دبئی میں اسٹاپ اوور پر کارآمد ہے۔

یہ آفر ایمریٹس ڈاٹ کام یا شراکتی ٹریول ایجنٹس سے بکنگ پر حاصل کی جاسکتی ہے اور یہ بکنگ مسافروں کی آمد سے 72 گھنٹے قبل کی گئی ہو۔

اس ہوٹل کا نام دبئی کے مشہور جزیرے پام جمیرہ پر رکھا گیا۔ فیئر مونٹ دی پام جوڑوں اور خاندانوں کے لئے ایک مثالی پرتعیش تفریحی مقام ہے۔

(جاری ہے)

یہاں حیرت انگیز خلیج عرب اور ناقابل یقین دبئی اسکائی لائن، 381 دستیاب شاندار کمرے، دس ریسٹورنٹس اور مشروبات کے انتخاب کے ساتھ مسافر دنیا کے بعض بہترین ذائقوں سے محظوظ ہوسکیں گے۔

بچوں کے ساتھ سفر کرنے والے مہمان ''فیئرمونٹ فالکنز کڈز کلب'' سے لطف اندوز ہوسکتے ہیں جو 3 سال سے 15 سال تک کے بچوں کے لئے دوستانہ اور آرام دہ ماحول میں وسیع سرگرمیاں پیش کرتا ہے جبکہ آرام کے خواہاں مہمان مشہور فیئرمونٹ ویلو اسٹریم سپا میں خصوصی ٹریٹمنٹ میں مشغول ہوسکتے ہیں۔ پرتعیش ریزورٹ میں چار درجہ حرارت سے کنٹرول کرنے والے سوئمنگ پولز، نجی سفید ریت کے ساحل اور ایک جدید ترین ہیلتھ کلب بھی شامل ہے۔

یہ دبئی بین الاقوامی ایئرپورٹ سے محض صرف 25 منٹ کی مسافت پر واقع ہے اور خوبصورت دبئی مرینا اور دیگر مقبول مقامی دلچسپ مقامات کو دیکھنے کے لئے کافی قریب ہے.اضافی راتوں کے لئے، مسافر اس لنک (https://www.fairmont.com/palm-dubai/offers/winter-sun-escape/) پر بکنگ کر سکتے ہیں ۔

ایمریٹس نے چھ براعظموں میں 130 سے زائد مقامات کے لئے محفوظ طریقے سے آپریشن دوبارہ شروع کیا ہے اور اس وقت پاکستان سے دبئی کے لئے ہر ہفتے 50 سے زیادہ پروازیں چلا رہی ہے۔

مزید معلومات کے لئے ایمریٹس ڈاٹ کام وزٹ کریں ۔ ایمریٹس ڈاٹ کام ، ایمریٹس سیلز آفس ، بذریعہ ٹریول ایجنٹس یا آن لائن ٹریول ایجنٹس کے ذریعے ٹکٹس خرید سکتے ہیں ۔