تمام اسسٹنٹ کمشنرز کا اپنے اپنے علاقوں میں قیمتوں میں اضافے، تجاوزات ، اور پیشہ ور بھکاریوں کے خلاف آپریشنز

بدھ 15 مارچ 2023 11:50

اسلام آباد (اُردو پوائنٹ اخبارتازہ ترین - اے پی پی۔ 15 مارچ2023ء) ڈپٹی کمشنر اسلام آباد عرفان نواز میمن کی ہدایت پر تمام اسسٹنٹ کمشنرز نے اپنے اپنے علاقوں میں قیمتوں میں اضافے، تجاوزات ، اور پیشہ ور بھکاریوں کے خلاف آپریشنز کئے۔

(جاری ہے)

ضلعی انتظامیہ کے ترجمان ڈاکٹر محمد عبداللّٰه تبسم کے مطابق اسسٹنٹ کمشنرز نے قیمتوں میں اضافے کے حوالے سے ایک سو اکتالیس قمقامات پر انسپیکشن کی،جس میں قیمتوں میں اضافے پر 15ہزار روپے جرمانہ عائد کیا گیا ، 6 دکانیں سیل کر دی گئی جبکہ 5افراد کو گرفتار کر لیا گیا، اس کے علاوہ8پروفیشنل بھکاریوں کو بھی گرفتار کر کے تھانے منتقل کر دیا گیا، اس کے ساتھ ساتھ غیر قانونی کلینکس کے خلاف بھی کاروائی کی گئی۔

تجاوزات کے خلاف بھی آپریشن کیا گیا، قیمتوں میں اضافے کے ساتھ ساتھ 14کلو سے زائد پولی تھین بیگز ضبط کر لیے گئے۔ مزید برآں غیر قانونی پیٹرول فیلنگ ایجنسیوں اور غیر قانونی ایل پی جی فلنگ اسٹیشنز کے خلاف بھی کاروائی کی گئی، ایک غیر قانونی ایل پی جی فیلنگ اسٹیشن کو سیل کر دیا گیا ، جبکہ1شخص کو گرفتار کر لیا گیا۔ واضح رہے کہ روزانہ کی بنیاد پر تجاوزات ، قیمتوں میں اضافے کے خلاف اور پروفیشنل بھکاریوں کے خلاف آپریشن جاری ہے۔