آئندہ چوبیس گھنٹوں کے دوران پنجاب کے بیشتر اضلاع میں مطلع ابرآلود،ہلکی بارش کا امکان،محکمہ موسمیات

جمعہ 17 مارچ 2023 22:48

لاہور (اُردو پوائنٹ اخبارتازہ ترین - اے پی پی۔ 17 مارچ2023ء) محکمہ موسمیات کے مطابق آئندہ چوبیس گھنٹوں کے دوران پنجاب کے بیشتر اضلاع میں مطلع جزوی ابرآلود رہے گا۔ تاہم لاہور ،مری ،گلیات، راولپنڈی، اٹک ، چکوال ، جہلم ، خوشاب ، میانوالی، سرگودھا، گجرات ، نارووال ، سیالکوٹ، ڈیرہ غازی خان، بہاولپور،بہاولنگر اور ملتان میں آندھی ،تیز ہواؤں اور گرج چمک کے ساتھ ہلکی بارش کا امکان ہے۔

جمعہ کے روز لاہور کا درجہ حرارت 21 سینٹی گریڈ ریکارڈ کیا گیا اور ہوا میں نمی کا تناسب 84 فیصد رہا۔

(جاری ہے)

ہفتہ کو لاہور کا درجہ حرارت 20 سے 22 سینٹی گریڈ کے درمیان رہنے کا امکان ہے۔گذشتہ 24 گھنٹے کے دوران پنجاب کے مختلف شہروں میں آندھی اور گرج چمک کے ساتھ وقفے وقفے سے بارش کا سلسلہ جاری رہا ، بھکر میں 27 ملی میٹر بارش ریکارڈ کی گئی ،اس طرح فورٹ منرو میں 25، گوجرانوالہ 23، ساہیوال 16، ٹوبہ ٹیک سنگھ 15،اوکاڑہ 13، راولپنڈی (شمس آباد،چکلالہ12) ، چکوال، جھنگ 12، لاہور شہر میں داخل 10، گلشن راوی 8 ، ایئرپورٹ 7 ، لکشمی چوک 6، مغل پورہ 5 ، واسا آفس، شاہی قلعہ، جوہر ٹائون 4، اپر مال 3، تاج پورہ، چوک ناخدا،اقبال ٹائون، سمن آباد، فرخ آباد 2 اور نشتر ٹاون میں 1 ملی میٹر بارش ریکارڈ کی گئی۔