۴قومی اسمبلی کی 3 خالی نشستوں پر ضمنی انتخابات کیلئے پشاور ہائی کورٹ میں اپیلٹ ٹریبونل قائم، اعلامیہ جاری

منگل 21 مارچ 2023 21:35

پشاور(اُردو پوائنٹ اخبارتازہ ترین - آن لائن۔ 21 مارچ2023ء) خیبرپختونخوا سے قومی اسمبلی کے 3 حلقوں پر 30 اپریل 2023 کو ہونیوالے ضمنی انتخابات کے لئے ریٹرننگ افسران کی جانب سے کاغذات نامزدگی کی منظوری یا مسترد ہونی کے اپیلیں دائر کرنے کے لئے اپیلٹ ٹریبونل قایم کردی گئی۔ یہ ٹرائبونل پشاور ہائی کورٹ کے معزز جج جسٹس اعجاز انور پر مشتمل ہے۔ جس کا باقاعدہ اعلامیہ جاری کردیا گیا ہے۔

ان حلقوں میں این اے 22 مردان، این اے 24 چارسدہ اور این اے 31 پشاور شامل ہیں۔

(جاری ہے)

شیڈول کے مطابق کل یعنی بروز بدھ 22 مارچ تک ان کاغذات کی جانچ پڑتال مکمل کی جائیگی۔ریٹرننگ افسران کی جانب سے کاغذات نامزدگی کی منظوری یا مسترد ہونے کے خلاف اپیلیں 27 مارچ تک ایپلیٹ ٹرائیبونل کے پاس جمع کرائے جاسکیں گی۔ *ایپلیٹ ٹرائیبونل کی جانب سی* ان اپیلوں پر فیصلہ 3 اپریل تک کیا جائیگا۔4 اپریل کو امیدواروں کی نظرثانی شدہ فہرست جاری کی جائیگی۔ 5 اپریل *تک* کاغذات نامزدگی واپس لئے جاسکیں گے۔ 6 اپریل 2023 کو امیدواروں کی حتمی فہرست جاری اور انہیں انتخابی نشانات الاٹ کئے جائینگے۔ جبکہ پولنگ 30 اپریل 2023 کو ہوگی