بھارتی پولیس نے امرت پال سنگھ کو پناہ دینے پرہریانہ کی ایک خاتون کوگرفتارکرلیا

جمعہ 24 مارچ 2023 16:18

نئی دلی(اُردو پوائنٹ اخبارتازہ ترین - این این آئی۔ 24 مارچ2023ء) بھارتی ریاست ہریانہ میں پولیس نے خالصتان تحریک کے رہنما امرت پال سنگھ کو پناہ دینے پر ایک خاتون کو گرفتار کر لیا ہے۔ کشمیر میڈیا سروس کے مطابق بلجیت کور نامی خاتون نے وارث پنجاب دے تنظیم کے سربراہ امرت پال سنگھ اور اس کے ساتھی پاپ پریت سنگھ کو ہریانہ کے ضلع کروکشیتر میں اپنے گھر میں پناہ دی تھی۔

سکھ رہنما امرت پال سنگھ پولیس کی طرف سے اپنے اوراپنے ساتھیوں کے خلاف بڑے پیمانے پر کارروائی شروع کئے جانے کے بعد سے روپوش ہے۔

(جاری ہے)

اس کی تلاش کی کارروائی آج ساتویں دن بھی جاری ہے ۔ گزشتہ ہفتے 50 سے زائد کاروں کے قافلے نے امرت پال سنگھ کا پیچھا کیا،تاہم وہ پنجاب پولیس کوچکما دینے میں کامیاب ہو گیا۔ خالصتان تحریک کے رہنما نے ممکنہ طور پر بھارت سے فرار ہونے کا منصوبہ بنایا تھا۔ اس سے قبل پنجاب پولیس نے تیجندر سنگھ گل کو گرفتار کیا تھا، جو امرت پال سنگھ کاساتھی ۔ ڈپٹی سپرنٹنڈنٹ آف پولیس ہرسمرت سنگھ نے دعویٰ کیا ہے کہ لدھیانہ ضلع کے علاقے کھنہ کے گائوں منگیوال کے رہائشی تیجندر سنگھ گل کو امرت پال سنگھ کی حفاظت پر مامور کیاگیا تھا۔