ایئر فورس ون کو لاحق سکیورٹی خطرے کی تحقیقات کی جارہی ہیں، پینٹاگون

بوئنگ نے امریکی ایئر فورس ون میں کام کرنے والے 250 ملازمین کی حفاظتی اسناد میں خامی دریافت کرلی

ہفتہ 25 مارچ 2023 17:25

ایئر فورس ون کو لاحق سکیورٹی خطرے کی تحقیقات کی جارہی ہیں، پینٹاگون

واشنگٹن (اُردو پوائنٹ اخبارتازہ ترین - این این آئی۔ 25 مارچ2023ء) امریکی محکمہ دفاع پینٹا گون نے کہا ہے کہ امریکی صدر کے لیے مخصوص طیارے ایئر فورس ون کو لاحق سکیورٹی خطرے کی تحقیقات کی جارہی ہیں۔ پینٹاگون اس بات کی تحقیقات کر رہا ہے کہ کیوں بوئنگ کے ملازمین موجودہ اور مستقبل کے ٹاپ سیکرٹ طیارے یو ایس ایئر فورس ون پر کام کرنے کے لیے ضروری حفاظتی منظوریوں کے بغیر کام کرتے ہیں۔

(جاری ہے)

میڈیارپورٹس کے مطابق امریکی فضائیہ اور بوئنگ نے تصدیق کی ہے کہ 14 مارچ کو بوئنگ نے ایئر فورس ون پر کام کرنے والے تقریبا 250 اہلکاروں کی حفاظتی اسناد میں ایک خامی کا پتہ چلایا ہے۔ ایئر فورس اور بوئنگ نے کہا کہ تمام ملازمین نے موجودہ خفیہ کلیئرنس کو برقرار رکھا لیکن ایئر فورس ون کے مسائل پر کام کرنے والے اہلکاروں کو اضافی سیکیورٹی کلیئرنس کی ضرورت ہے جسے "وائٹ یانکی" کہا جاتا ہے۔بوئنگ کے ترجمان نے بتایا کہ جب سے بوئنگ کو یہ انتظامی مسئلہ معلوم ہوا تو ہم نے فوری طور پر فضائیہ کو مطلع کیا اور ان کے ساتھ ہم آہنگی میں متاثرہ بوئنگ ملازمین کی وی سی 25 اے اور وی سی 25 بی تک رسائی عارضی طور پر معطل کردی ہے۔