ٹھٹھہ صادق آباد، بینک آفیسر کواپنے والدین کی قبر پر فاتحہ خوانی کے دوران قتل کردیا گیا

ہفتہ 25 مارچ 2023 20:22

ٹھٹھہ صادق آباد(اُردو پوائنٹ اخبارتازہ ترین - این این آئی۔ 25 مارچ2023ء) نواحی گائوں 141دس میں ورلڈ بینک کے آفیسر کو اپنے والدین کی قبر پر فاتحہ خوانی کرتے ہوئے دو ملزمان نے خنجر سے حملہ کر کے قتل کردیا،بچانے آنے والے شخص کو بھی زخمی کردیا۔

(جاری ہے)

تفصیل کے مطابق سابق یو نین ناظم وقار الحق مٹھو گل کے چھوٹے بھائی نصرت طفیل گل جو ورلڈ بینک میں آفیسر ہیں اپنے آبائی علاقہ تحصیل جہانیاں کے تھانہ ٹھٹھہ صادق آباد کی حدود میں واقع چک نمبر141دس آر میں اپنے والدین کی قبر پر فاتحہ خوانی کررہے تھے کہ مسلح افراد نے خنجر سے حملہ کرکے انہیں شدید زخمی کر دیا جبکہ انہیں بچانے آنے والا خالد نامی شخص بھی زخمی ہوگیا ،دونوں زخمیوں کو ٹی ایچ کیو ہسپتال جہانیاں منتقل کیا گیا جہاں نصرت طفیل گل مہلک زخموں کی تاب نہ لاتے ہوئے دم توڑ گئے ۔

مقتول نصرت طفیل گل ورلڈ بینک میں آفیسر تھے۔پولیس تھانہ ٹھٹھہ صادق آباد نے لاش پوسٹ مارٹم کے بعد ورثا کے حوالے کردی۔ذرائع کے مطابق ملزمان نے کار قبرستان میں کھڑی کرنے کی رنجش میں حملہ کیاتاہم پولیس حقائق کی چھان بین کررہی ہے ملزمان فرار ہونے میں کامیاب ہوگئے۔