سعودیہ نے اپنے شہریوں کو دوافریقی ممالک کے سفر سے روک دیا

عمان نے بھی اپنے شہریوں کو مذکورہ دو ممالک کے سفر سے فوری طور پر روک دیا

ہفتہ 1 اپریل 2023 15:39

سعودیہ نے اپنے شہریوں کو دوافریقی ممالک کے سفر سے روک دیا

ریاض (اُردو پوائنٹ اخبارتازہ ترین - این این آئی۔ 01 اپریل2023ء) سعودی عرب نے اپنے شہریوں کو دو افریقی ممالک کے سفر سے روک دیا۔عرب میڈیا کے مطابق سعودی حکام نے افریقی ملک گنی اور تنزانیہ میں ماربرگ وائرس کی وبا کے باعث اپنے شہریوں کو دونوں ممالک کے سفر سے روک دیا ہے۔

(جاری ہے)

سعودی وزارت صحت کی جانب سے جاری ہدایات میں کہا گیا ہیکہ شہری بیماری پرقابو پائے جانے تک ان دو ممالک کا سفر نہ کریں جب کہ ان دو ممالک میں پہلے سے موجود سعودی شہریوں کو مقامی حکام کی جانب سے جاری حفاظتی گائیڈلائنز پرعمل کرنے کی ہدایت کی گئی ہے۔

دوسری جانب عمان نے بھی اپنے شہریوں کو ان دو افریقی ممالک کے سفر سے فوری طور پر روک دیا ہے۔میڈیا رپورٹس کے مطابق ماربرگ وائرس سے گنی میں اب تک ہلاکتوں کی تعداد 9 ہوگئی ہے جس میں مزید اضافے کا خدشہ ہے جب کہ گزشتہ ہفتے تنزانیہ نے ماربرگ وائرس سے پانچ ہلاکتوں کی تصدیق کی تھی۔ماربرگ وائرس کی علامات میں شدید بخار، خون کا رسا اور اعضا کا خراب ہونا شامل ہے جب کہ یہ وائرس افریقہ سے ہی سامنے آنے والے وائرس ایبولا سے ملتا جلتا ہے۔