بھارت ، فوجی مشق میں رسی ٹوٹنے سے 2 فوجی دریا میں گرکرہلاک

حادثے کی تحقیقات کیلئے انکوائری کمیشن تشکیل دے دیا گیا،لیفٹیننٹ جنرل آر پی کلیتا

ہفتہ 1 اپریل 2023 15:39

بھارت ، فوجی مشق میں رسی ٹوٹنے سے 2 فوجی دریا میں گرکرہلاک

نئی دہلی (اُردو پوائنٹ اخبارتازہ ترین - این این آئی۔ 01 اپریل2023ء) بھارتی ریاست مغربی بنگال میں جاری فوجی مشقوں کے دوران رسی ٹوٹنے سے 2 فوجی دریا میں گر کر ہلاک ہوگئے۔

(جاری ہے)

غیرملکی میڈیا رپورٹ کے مطابق حادثہ دوروز قبل ہوا جس میں بھارت کے فوجی اہلکار رسی سے لٹک کر دریا پار کرنے کی مشق کر رہے تھے۔اس دوران رسی ٹوٹ گئی اور 3 اہلکار سروبر جھیل میں گر گئے، یہ جھیل بیرک پور کے علاقے میں ہے۔فوجی اہلکاروں کو اسپتال لے جایا گیا جہاں 2 کو مردہ قرار دیا گیا جبکہ ایک زیر علاج ہے۔لیفٹیننٹ جنرل آر پی کلیتا نے کہا کہ حادثے کی تحقیقات کیلئے انکوائری کمیشن تشکیل دے دیا گیا ہے۔