سپیکر قومی اسمبلی راجہ پرویز اشرف سے آفتاب شعبان میرانی کی ملاقات ،مجموعی سیاسی و اقتصادی صورتحال پر تبادلہ خیال

جمعہ 28 اپریل 2023 19:18

اسلام آباد (اُردو پوائنٹ اخبارتازہ ترین - این این آئی۔ 28 اپریل2023ء) اسپیکر قومی اسمبلی راجہ پرویز اشرف سے بزرگ سیاسی رہنما ممبر قومی اسمبلی آفتاب شعبان میرانی نے پارلیمنٹ ہاؤس میں ملاقات کی جس میں ملک کی مجموعی سیاسی و اقتصادی صورتحال پر تبادلہ خیال کیا گیا ۔اسپیکر قومی اسمبلی نے آفتاب شعبان میرانی سے ان کی صحت کے بارے میں دریافت کیا۔

اسپیکر نے ان کی صحتیابی کے لیے نیک خواہشات کا اظہار کیا۔

(جاری ہے)

اسپیکر نے آفتاب شعبان میرانی کی ناسازی طبیعت کے باوجود اجلاس میں شرکت کو سراہا۔ممبر قومی اسمبلی آفتاب شعبان میرانی نے اسپیکر قومی اسمبلی کی ایوان کی کارروائی کو تحمل مزاجی اور خوش اسلوبی سے چلانے کو سراہا۔آفتاب شعبانی میرانی نے کہا کہ موجودہ پارلیمان نے حقیقی معنوں میں عوام نمائندہ ادارہ ہونے کا ثبوت دیا ہے۔آفتاب شعبان میرانی نے اسپیکر قومی اسمبلی کا شکریہ ادا کیا اور ان کے لیے نیک خواہشات کا اظہار کی۔