اوکاڑہ، ضلع میں انسداد ڈینگی اقدامات مربوط کاروائیوں اور توجہ کے طالب ، ذمہ داری اور فرض شناس سے ڈینگی کے خاتمہ کیلئے کوشاں رہنا ہے،ڈپٹی کمشنر ڈاکٹر محمد ذیشان حنیف

منگل 9 مئی 2023 23:37

اوکاڑہ (اُردو پوائنٹ اخبارتازہ ترین - آن لائن۔ 09 مئی2023ء) ڈپٹی کمشنر ڈاکٹر محمد ذیشان حنیف نے کہا ہے کہ ضلع میں انسداد ڈینگی اقدامات مربوط کاروائیوں اور توجہ کے طالب ہیں ہمیں انتہائی ذمہ داری اور فرض شناس سے ڈینگی کے خاتمہ کے لئے کوشاں رہنا ہے تاکہ ہم اپنے لوگوں کو اس موذی مرض سے محفوظ رکھ سکیں ویکٹر سر ویلینس کے ساتھ ساتھ عوام الناس کو احتیاطی تدابیر اختیار کرنے سے متعلق آگاہی دینا اور طے شدہ ایس او پیز پر عملد ر آمد کے لئے اقدامات ازحد ضروری ہیں ان خیالات کا اظہار انہوں نے انسداد ڈینگی کمیٹی کے اجلا س کی صدارت کرتے ہوئے کیا جس میں تمام محکموں کے ضلعی سر براہان اور اراکین نے شرکت کی ۔

(جاری ہے)

ڈپٹی کمشنر ڈاکٹر محمد ذیشان حنیف نے اجلاس میں غیر حاضر افسران کو جواب طلبی کے ساتھ ساتھ انسداد ڈینگی اقدامات میں مطلوبہ ہدف حاصل نہ کرنے والوں کو شوکاز جاری کرنے احکامات جاری کرتے ہوئے کہا کہ سرکاری محکموں کی جانب سے غیر ذمہ دارانہ رویہ انسداد ڈینگی اقدامات میں بڑی رکاوٹ ثابت ہو سکتا ہے ہمیں اپنی سرکاری ذمہ داری فرض سمجھ کر ادا کرنا ہے جو ادارے انسداد ڈینگی کی کاروائیاں نہیں کر رہے وہ فوری طور پر اپنی کاروائیاں شروع کر کے طے شدہ ایس او پیز کے مطابق ڈیش بورڈ پر ا پ لوڈ کریں انہوں نے کہ کہااللہ کا لاکھ لاکھ شکر ہے کہ ضلع اوکاڑہ ڈینگی فری ہے ہسپتالوں میں بھی انسداد ڈینگی وارڈ مکمل طور پر فعال ہیں ہسپتالوں میں ڈینگی کی تشخیص اور علاج معالجہ کے لئے تمام سہولیات دستیاب ہیں انہوں نے محکمہ ماحولیات ،محکمہ لیبر اور میونسپل کار پوریشن کے افسران کو ہدایت کی کہ ٹائر مارکیٹوں ،کباڑ خانوں ،گوداموں پر گہری نظر رکھیں مارکیٹوں اور سرکاری دفاتر میں بھی ویکٹر سر ویلینس کا کام انتہائی ذمہ داری اور احتیاط سے سر انجام دیا جائے اس موقع پر ڈسٹر کٹ انٹا مالوجسٹ نے ضلع میں انسداد ڈینگی اقدامات ،ویکٹر سر و یلینس اور سرکاری اداروں کی جانب سے کئے گئے اقدامات سے متعلق بریفنگ دی ۔