مولانا فضل الرحمن نے اپوزیشن لیڈرز کیلئے پی ٹی آئی کی حمایت کردی

منگل 19 اگست 2025 21:10

اسلام آباد (اُردو پوائنٹ اخبارتازہ ترین - این این آئی۔ 19 اگست2025ء) سربراہ جے یو آئی (ف) مولانا فضل الرحمن نے قومی اسمبلی اور سینیٹ میں اپوزیشن لیڈرز کیلئے پی ٹی آئی کی حمایت کردی ۔

(جاری ہے)

ذرائع کے مطابق قومی اسمبلی اور سینیٹ میں اپوزیشن لیڈرز کی نامزدگی کیلئے سیاسی رابطے تیز ہوگئے جبکہ تحریک انصاف کے وفد نے گزشتہ ہفتے کے دوران جے یو آئی کے سربراہ مولانا فضل الرحمن سے دو تفصیلی نشستیں کیں جن میں اہم قومی، سیاسی اور پارلیمانی امور پر بات چیت ہوئی۔

ذرائع کے مطابق مولانا فضل الرحمن نے قومی اسمبلی اور سینیٹ میں اپوزیشن لیڈر کیلئے پی ٹی آئی کی حمایت کی ہے۔ ذرائع کے مطابق مولانا فضل الرحمن کا موقف ہے کہ دونوں ایوانوں میں اپوزیشن لیڈر پی ٹی آئی کا حق ہے اور وہ پارلیمان میں اپوزیشن کو متحد دیکھنا چاہتے ہیں۔انہوں نے کہا کہ ملک کو درپیش بحرانوں سے نکلنے کیلئے گرینڈ ڈائیلاگ وقت کی اہم ضرورت ہے۔