مریم نواز کی جاپان کو پنجاب میں ہائبرڈ کاروں کی تیاری اور اسمبلنگ کی دعوت

وزیراعلیٰ پنجاب مریم نواز کا ٹوکیو میں کارسازکمپنی کے ہیڈ کوارٹرزکادورہ، ایگزیکٹو وائس پریزیڈنٹ سے ملاقات

بدھ 20 اگست 2025 16:18

مریم نواز کی جاپان کو پنجاب میں ہائبرڈ کاروں کی تیاری اور اسمبلنگ کی ..

ٹوکیو(اُردو پوائنٹ اخبارتازہ ترین - این این آئی۔ 20 اگست2025ء)وزیراعلیٰ پنجاب مریم نوازشریف نے جاپان کو ہائبرڈ کاروں کی پنجاب میں تیاری اور اسمبلنگ کی دعوت دیدی۔

(جاری ہے)

وزیراعلیٰ پنجاب مریم نواز نے ٹوکیو میں کار سازکمپنی کیہیڈ کوارٹر کا دورہ کیا جس دوران انہوں نے کارسازکمپنی کے ایگزیکٹو وائس پریزیڈنٹ سے ملاقات کی، ملاقات کے دوران الیکٹرک گاڑیوں کی مقامی پیداوار اور اسمبلنگ کے امور پر تبادلہ خیال کیا گیا۔

دوسری جانب وزیراعلیٰ پنجاب نے جاپان کے بین الاقوامی امور کے سینئر نائب وزیر سے بھی ملاقات کی، مریم نواز نے جاپان کو ہائبرڈ کاروں کی پنجاب میں تیاری اور اسمبلنگ کی دعوت دی۔اس موقع پر مریم نوازکا کہنا تھا کہ پنجاب میں الیکٹرک گاڑیوں کے فروغ کیلئے تعاون کا خیر مقدم کریں گے، لاہور اور راولپنڈی کے درمیان ہائی اسپیڈٹرین کے ذریعے نئے دور کا آغازکریں گے۔