Live Updates

جی ایچ کیو گیٹ پرحملے کا اہم ملزم گرفتار کر لیا گیا

وائرل ویڈیو کے ذریعے شناخت کیا گیا ملزم ضلعی ادارے کا ملازم نکلا

دانش احمد انصاری ہفتہ 13 مئی 2023 23:50

لاہور (اردوپوائنٹ اخبارتازہ ترین۔ 13 مئی 2023ء) جی ایچ کیو گیٹ پرحملے کا اہم ملزم گرفتار کر لیا گیا۔ وائرل ویڈیو کے ذریعے شناخت کیا گیا ملزم ضلعی ادارے کا ملازم نکلا۔ تفصیلات کے مطابق تفصیلات کے مطابق تحریک انصاف کے چیئر مین اور سابق وزیر اعظم عمران خان کی القادر ٹرسٹ میں گرفتاری پر جڑواں شہروں میں پی ٹی آئی کے مشتعل کارکنان کے بلوے ،جلاؤ گھیراؤ ، توڑ پھوڑ اور لوٹ مار کرنے والوں کے گرد گھیرا تنگ ہونے لگا۔

شرپسندوں کی گرفتاری کیلئے خصوصی پولیس ٹیمیں تشکیل دیدی گئیں، جس نے کریک ڈاؤن کا آغاز کر دیا ہے۔ راولپنڈی پولیس نے جی ایچ کیو گیٹ حملے کا اہم ملزم دھر لیا، ملزم ادریس کو سوشل میڈیا پروائرل ویڈیو کے ذریعے شناخت کیا گیا،جبکہ گرفتارملزم ضلعی سرکاری ادارے کا ملازم نکلا۔

(جاری ہے)

خیال رہے کہ راولپنڈی میں جلاؤ گھیراؤ کرنے والوں کیخلاف درج مقدمات کی تعداد 17 ہے۔

جی ایچ کیو گیٹ حملہ کیس میں راجہ بشارت و دیگر کیخلاف تھانہ آر اے بازار میں درج کیس کی تحقیقات کے لئے ایس ایس پی انوسٹی گیشن زنیرا اظفر کی سربراہی میں 7 رکنی کمیٹی بھی قائم کی گئی ہے، دیگر مقدمات میں پی ٹی آئی رہنما غلام سرور خان، فیاض الحسن چوہان ، اعجاز خان جازی، راشد شفیق اور دیگر نامزد ہیں۔ اسی طرح اسلام آباد کےمختلف تھانوں میں 16 مقدمات درج کئے گئے ہیں، جن میں دہشت گردی سمیت دیگر سنگین جرائم کی دفعات شامل ہیں ۔

ان مقدمات میں اسد قیصر، عامر مغل ، جہانگیر چوہدری ، راجہ شاہد نوازسمیت دیگر پی ٹی آئی رہنما، کارکنان ، افغان باشندوں اور نامعلوم افراد سمیت 500 کو نامزد کیا گیا ہے۔ خیال رہے کہ راولپنڈی میں جلاؤ گھیراؤ کرنے والوں کیخلاف درج مقدمات کی تعداد 17 ہے۔جی ایچ کیو گیٹ حملہ کیس میں راجہ بشارت و دیگر کیخلاف تھانہ آر اے بازار میں درج کیس کی تحقیقات کے لئے ایس ایس پی انوسٹی گیشن زنیرا اظفر کی سربراہی میں 7 رکنی کمیٹی بھی قائم کی گئی ہے، دیگر مقدمات میں پی ٹی آئی رہنما غلام سرور خان، فیاض الحسن چوہان ، اعجاز خان جازی، راشد شفیق اور دیگر نامزد ہیں۔