اوکاڑہ ،بجلی بند ہو نے پر دیا جلا نے پر آگ بھڑ ک اٹھی، خاتون جاں بحق ، بیٹی اور بیٹا جھلس کر شدید زخمی

ہفتہ 27 مئی 2023 23:17

اوکاڑہ(اُردو پوائنٹ اخبارتازہ ترین - آن لائن۔ 27 مئی2023ء) اوکاڑہ بجلی بند ہو نے پر دیا جلا نے پر آگ بھڑکنے سے خاتون جاں بحق ہوگئی جبکہ بیٹی اور بیٹا جھلس جانے کے باعث شدید زخمی ہو گئے ۔

(جاری ہے)

بتا یا گیا ہے کہ حویلی لکھا کے گاؤں چرا مانیکا کے رہائشی اللہ نواز کی بیوی نسیم بی بی بجلی بند ہونے کی وجہ سے گھر میں مٹی کے تیل کا ’’دیا‘‘ جلانے لگی اندھیرا ہونے کے باعث مٹی کا تیل کمرے کے فرش پر بھی گر گیا جیسے ہی خاتون نے دیا جلایا اور ماچش کی تیلی زمین پر پھینکی تو فرش پر گرے مٹی کے تیل کی وجہ سے آگ بھڑک اٹھی آگ کی زد میں آکر نسیم بی بی اس کے بیٹے اور بیٹی کو آگ نے اپنی لپیٹ میں لے لیا۔

نسیم بی بی آگ سے بری طرح جھلس گئی۔ جھلسنے والے افراد کو مقامی ہسپتال منتقل کر دیا گیا۔ جہاں پر نسیم بی بی کی حالت تشویشناک ہونے کے باعث اسے لاہور ہسپتال ریفر کر دیا گیا۔ جہاں وہ جاں بحق ہو گئی جب کہ متوفیہ کے زخمی بیٹا اور بیٹی مقامی ہسپتال میں زیر علاج ہیں پولیس نے ضروری کاروائی کر کے رپٹ لکھ دی ہے۔