روس، ممنوعہ مواد نہ ہٹانے پر واٹس ایپ کو 30 لاکھ روبل جرمانہ

جرمانہ یوکرین میں ماسکو کی فوجی مہم کے خلاف جھوٹی معلومات نہ ہٹانے کی وجہ سے کیا گیا،رپورٹ

جمعہ 2 جون 2023 14:43

روس، ممنوعہ مواد نہ ہٹانے پر واٹس ایپ کو 30 لاکھ روبل جرمانہ

ماسکو(اُردو پوائنٹ اخبارتازہ ترین - این این آئی۔ 02 جون2023ء) روس کی عدالت نے ممنوعہ مواد نہ ہٹانے پر واٹس ایپ کو 30 لاکھ روبل کا جرمانہ عائد کر دیا۔غیرملکی خبررساں ادارے کے مطابق پچھلے برس ماسکو نے واٹس ایپ کی ماخذ کمپنی میٹا پلیٹ فارمز کو انتہاپسند تنظیم قرار دیا تھا۔میٹا کی دیگر سروسز فیس بک اور انسٹاگرام پر روس میں پابندی ہے، ان پر مواد کی وجہ سے جرمانہ بھی لگ چکا ہے۔

(جاری ہے)

روس نے واٹس ایپ پر ملکی ڈیٹا قوانین پر عمل درآمد اور روسی صارفین کا ڈیٹا ملکی سرورز میں رکھنے سے انکار پر جرمانہ کیا تھا۔حال ہی میں واٹس ایپ نے ایک دوا کی معلومات ہٹانے سے انکار کیا، اس دوا کی تیاری اور فروخت پر روس میں پابندی ہے۔عدالت نے وکی پیڈیا کی ماخذ کمپنی وکی میڈیا فانڈیشن پر بھی 30 لاکھ روبل کا جرمانہ کیا۔یہ جرمانہ یوکرین میں ماسکو کی فوجی مہم کے خلاف جھوٹی معلومات نہ ہٹانے کی وجہ سے کیا گیا۔