آزادکشمیر: مال بردار ٹرک کھائی میں جاگرا، 4 افراد جاں بحق

حادثہ چانگاں کے مقام پر پیش آیا، ٹرک مانسہرہ سےنیلم جارہا تھا تاہم مال بردارٹرک منزل پر پہنچنے سے قبل کھائی میں جاگرا

دانش احمد انصاری اتوار 4 جون 2023 10:22

آزادکشمیر: مال بردار ٹرک کھائی میں جاگرا، 4 افراد جاں بحق

مظفر آباد (اُردو پوائنٹ،اخبارتازہ ترین ۔ 04 جون 2023ء) آزادکشمیر میں مال بردار ٹرک کھائی میں جاگرا، حادثے میں 4 افراد جاں بحق ہو گئے۔ پولیس کے مطابق حادثہ چانگاں کے مقام پر پیش آیا، ٹرک مانسہرہ سےنیلم جارہا تھا تاہم مال بردارٹرک منزل پر پہنچنے سے قبل کھائی میں جاگرا۔ دوسری جانب پورٹ قاسم پر ’مزدور‘ نامی چھوٹے جہاز پر اچانک آگ بھڑک اٹھی، آتشزدگی سے جہاز جل کر خاکستر ہو گیا۔

حکام کے مطابق پورٹ قاسم میں جہازوں کے راستے پر کام کرنے والے خصوصی جہاز ’مزدور‘ کے انجینئر روم میں اچانک آگ بھڑک اٹھی تھی۔

(جاری ہے)

حکام کا کہنا تھا کہ آگ سے جل جانے والے مزدور جہاز کیلئے تحقیقات شروع کر دی گئی ہیں۔ ذرائع کا کہنا ہے کہ فائر ٹینڈرز آتشزدگی پر بروقت قابو پانے میں ناکام رہے، 40 میٹر طویل جہاز کے اندر موجود آگ بجھانے والے آلات کی عدم موجودگی اور بروقت استعمال نہ کرنے پر بھی سوالیہ نشان کھڑے ہو گئے ہیں۔

ذرائع کے مطابق پورٹ قاسم کا چھوٹا جہاز برتھ کے قریب تھا اور جہاز تک فائر ٹینڈرز کی بروقت دستیابی ہونے پر جہاز کو جلنے سے بچایا جا سکتا تھا۔