جے یو آئی سندھ کا مولانا فضل الرحمن کے بیانیے کی مکمل حمایت کا اعلان

جمعرات 16 جولائی 2026 17:43

کراچی (اُردو پوائنٹ اخبارتازہ ترین - این این آئی۔ 16 جولائی2026ء) جمعیت علماء اسلام سندھ کے امیر مولانا عبدالقیوم ہالیجوی نے کہا ہے کہ قائد جمعیت مولانا فضل الرحمن کے بیانیے اور مرکزی قیادت کے ہر فیصلے کی مکمل حمایت کرتے ہیں۔ انہوں نے کہا کہ کارکن قیادت کی ہر ہدایت پر لبیک کہتے ہوئے ہر آئینی، جمہوری اور تنظیمی تحریک میں بھرپور کردار ادا کریں گے۔

انہوں نے کہا کہ مولانا فضل الرحمٰن تنہا نہیں، بلکہ ایک ایک کارکن اپنی قیادت کے ساتھ سیسہ پلائی ہوئی دیوار کی مانند کھڑا ہے۔ مولانا فضل الرحمان کے خلاف منفی پروپیگنڈا۔اور کردار کشی کی ہر کوشش ناکام ہوگی کیونکہ کارکن اپنی قیادت پر مکمل اعتماد رکھتے ہیں مولانا ہالیجوی نے کہا کہ قصور کے عظیم الشان جلسے میں مولانا فضل الرحمٰن نے عوامی مسائل، آئین کی بالادستی، جمہوریت کے استحکام اور عوامی حقوق کی بھرپور ترجمانی کیکی انہوں نے کہا کہ مولانا فضل الرحمان، الرحن،مفتی اسعد محمود، علامہ راشد محمود سومرو اور دیگر جے یو آئی رہنمائون کی فیک وڈیو جاری کرنا ریاست کی بوکھلاہٹ ہے۔

(جاری ہے)

مولانا ھالیجوی نے کہا کہ مولانا فضل الرحمان کا موقف جمعیت علمائ علماء اسلام کا مؤقف ہے اور اسی جدوجہد کو آگے بڑھایا جائے گا۔انہوں نے مزید کہا کہ جے یو آئی ایک ہمہ گیر قومی و دینی جماعت ہے جس میں ہر شعبہ زندگی کے ماہر افراد شامل ہیں۔ جماعت آئین، جمہوریت، عوامی حقوق اور ملک کی سلامتی کے لیے اپنی پرامن اور جمہوری جدوجہد جاری رکھے گی۔صوبائی امیر نے کارکنوں کو ہدایت کی کہ وہ نظم و ضبط، اتحاد اور تنظیمی اصولوں کی پابندی کرتے ہوئے مرکزی قیادت کے ہر فیصلے پر عمل درآمد کے لیے ہر وقت تیار رہیں۔ انہوں نے کہا کہ مرکزی امیر کے ایک اشارے پر سندھ سمیت ملک بھر کے کارکن متحد ہو کر ہر محاذ پر اپنا مؤثر کردار ادا کریں گے۔