ق*قومی ترقی کے لیے ناگزیر گیس پائپ لائن منصوبے کو شروع کیا جائی:پیر محفوظ مشہدی

لاہور (اُردو پوائنٹ اخبارتازہ ترین - آن لائن۔ 16 جون2023ء) جمعیت علمائے پاکستان (سواداعظم )کے مرکزی صدر پیرسید محمد محفوظ مشہدی اور سیکرٹری جنرل پیر محمد اقبال شاہ نے مطالبہ کیا ہے کہ ایران گیس پائپ لائن منصوبے کو پایہ تکمیل تک پہنچاکر ملک کو درپیش توانائی کے مسائل کو حل کیا جائے۔یہ منصوبہ پاکستان کی ترقی و خوشحالی کا ضامن ہونے کے ساتھ خطے میں امن کے قیام کا بھی باعث بنے گا۔

تمام مسلم ممالک کو مل کر اپنا بلاک بنا کر ایک دوسرے کے مسائل کو حل کرنا اور وسائل سے مستفید ہونا چاہیے ۔جے یو پی سیکرٹریٹ فیصل ٹاون میں اجلاس کی صدارت کرتے ہوئے پیر محفوظ مشہدی نے افسوس کا اظہار کیا کہ 2013ء میں دونوں ممالک کے صدور آصف علی زرداری اورمحمود احمدی نژاد نے گیس پائپ لائن منصوبے کا مشترکہ بارڈر پر افتتاح کیا ۔

(جاری ہے)

مگر بعد میں آنے والی حکومتوں نے امریکہ کے خوف سے قومی ترقی کے لیے ناگزیر گیس پائپ لائن منصوبے کو شروع نہیں کیا ۔

اور اب تک اس میں رکاوٹیں پیدا کی جارہی ہیں۔ ماضی میں دونوں ہمسایہ برادر اسلامی ممالک کے درمیان سفارتی تعلقات بھی سست روی کا شکار رہے ہیں، اورحال ہی میں ایران کی طرف سے بلوچستان کے علاقوں میں ایران کی طرف سے بجلی کی فراہمی احسن اقدام ہے ۔ گیس پائپ لائن منصوبے میں سست روی کا مظاہرہ کیا جا رہا ہے،ہمارے ملکی مفاد میں ہوگا کہ فی الفور گیس پائپ لائن منصوبے کو شروع کیا جائے۔ ان کا کہنا تھا کہ ایران ہمارا برادر اسلامی ملک ہے ۔ اس پر ہمیں اعتماد کو مضبوط کرنا چاہیے اور باہمی رشتوں کو سیسہ پلائی دیوار بننا چاہیے ۔سعودی عرب،روس، چین اور ایران کااتحاد خطے میں امن کا باعث ہو گا۔ پاکستان کو بھی اس اتحاد میں شامل ہو کر امریکہ کو خیرباد کہہ دینا چاہیی