حوالدار لالک جان شہید، نشان حیدر کے 24ویں یوم شہادت کے موقع پر زبردست خراج عقیدت

جمعہ 7 جولائی 2023 00:30

راولپنڈی (اُردو پوائنٹ اخبارتازہ ترین - اے پی پی۔ 07 جولائی2023ء) افواج پاکستان، چیئرمین جوائنٹ چیفس آف سٹاف کمیٹی اور سروسز چیفس نے حوالدار لالک جان شہید، نشان حیدر کے 24ویں یوم شہادت کے موقع پر زبردست خراج عقیدت پیش کیا۔ آئی ایس پی آر کے مطابق عسکریت قیادت نے کہا کہ حوالدار لالک جان نے بہادری سے لڑتے ہوئے مادر وطن کیلئے اپنی جان کا نذرانہ پیش کیا۔

(جاری ہے)

اُنکی ثابت قدمی، فرض سے لگن اور بے مثال جرات جیسی صفات افواج پاکستان کا طُرّہ امتیاز رہا ہے۔ پاکستانی قوم اپنے بہادر سپوتوں کی لازوال قربانیوں پہ ہمیشہ انکی مقروض رہے گی۔ پاکستان کے یہ درخشندہ ستارے جنہوں نے ملک کی آبرو کیلئے اپنی جان نچھاور کی بِلاشُبہ عزت و تکریم کے مستحق ہیں۔ وطن کی خاطر دی جانے والی یہ قربانیاں ہمارے لیے اور ہماری آنے والی نسلوں کیلئے مشعل راہ ہیں۔