چین نے گزشتہ اسٹیبلشمنٹ کو خبردار کیا پی ٹی آئی کو اقتدار میں لانے کا تحربہ نہ کیا جائے، احسن اقبال

چین نے خبردار کیا تھا کہ اس کا نقصان سی پیک اور پاکستان کو ہو گا: وفاقی وزیر کا ٹی وی انٹرویو میں انکشاف

ہفتہ 8 جولائی 2023 22:10

اسلام آباد (اُردو پوائنٹ اخبارتازہ ترین - این این آئی۔ 08 جولائی2023ء) وفاقی وزیر برائے منصوبہ بندی احسن اقبال نے کہا ہے کہ چین نے گزشتہ اسٹیبلشمنٹ کو کہنے کی کوشش کی تھی کہ پی ٹی آئی کو اقتدار میں لانے کا تحربہ نہ کیا جائے۔

(جاری ہے)

ایک انٹرویومیں احسن اقبال نے انکشاف کرتے ہوئے کہا کہ چین نے خبردار کیا تھا کہ اس کا نقصان سی پیک اور پاکستان کو ہو گا، جواب میں اس وقت کی اسٹیبلشمنٹ نے یقین دلایا تھا کہ سی پیک کو متاثر نہیں ہونے دیں گے۔

وفاقی وزیر احسن اقبال نے کہا کہ پی ٹی آئی نے سی پیک منصوبوں پر غیر ذمہ دارانہ الزامات لگائے اور منصوبے منجمد رکھے۔خیال رہے کہ مسلم لیگ (ن )کے مرکزی رہنما اس سے قبل بھی بارہا پاکستان تحریک انصاف پر یہ الزام عائد کرتے رہے ہیں کہ عمران خان حکومت نے سی پیک منصوبے کو بہت زیادہ نقصان پہنچایا اور ہمارے قریبی دوست چین کو ناراض کیا۔