‘ چئیرمین اسلامی نظریاتی کونسل ڈاکٹر قبلہ ایاز کی قیادت میں علمائے کرام اور سکالرز کا نمائندہ وفد سات روزہ دورے پر چین روانہ

منگل 11 جولائی 2023 20:50

ب*نوشہرہ (اُردو پوائنٹ اخبارتازہ ترین - آن لائن۔ 11 جولائی2023ء) حکومت چین کی دعوت پر پاکستان سے تعلق رکھنے والے علمائے کرام اور سکالرز کا ایک اہم نمائندہ وفد سات روزہ دورے پر چین روانہ۔وفد کی سربراہی چئیرمین اسلامی نظریاتی کونسل ڈاکٹر قبلہ ایاز کریں گے۔ حکومت چین کی دعوت پر پاکستان کے مختلف تنظیموں سے تعلق رکھنے والے علمائے کرام اور سکالرز کا ایک اہم نمائندہ وفد کل سات روزہ سرکاری دورے پر چین روانہ ہورہا ہے،جہاں وہ چین کے مختلف شہروں بیجنگ،گوانچی اور خصوصا مسلم اکثریتی علاقہ سنکیانگ میں عظیم تاریخی شہر کاشغر،ارومکی اور آکسو وغیرہ میں سیاسی،ثقافتی اور دینی امور پر مختلف حکومتی و سیاسی عہدیدارن اور مذہبی رہنماؤں سے ملاقاتیں کریں گے، وفد کی سربراہی اسلامی نظریاتی کونسل کے چیئرمین جناب قبلہ ایاز صاحب اور رابطہ کاری انٹرنیشنل ریسرچ کونسل کے سربراہ اسرار مدنی کریں گے جبکہ وفد میں امیر اشاعت التوحید پاکستان مولانا محمد طیب طاہری، ناظم اعلیٰ اور مدیر الحق دارلعلوم حقانیہ مولانا راشد الحق حقانی،ترجمان جمعیت علما اسلام س مولانا سید محمد یوسف شاہ، سربراہ خارجہ امور جماعت اسلامی محمد آصف لقمان قاضی، سابق ممبر قومی اسمبلی ڈاکٹر مولانا عطاء الرحمن، صاحبزادہ سلطان احمد علی سربراہ مسلم انسٹی ٹیوٹ، سابق وزیر تعلیم و نائب امیر جمعیت علما اسلام ف مولانا فضل علی حقانی،ڈائریکٹر IRCRA مولانا تحمید جان ازہری شامل ہیں۔

(جاری ہے)

وفد کے ارکان نے کہا مذہبی سفارتکاری کے ذریعے ہم پڑوسی ممالک سمیت دنیا بھر سے اچھے تعلقات قائم کرنے کی کوشش کریں گے۔ اسی غرض سے religious diplomacy forum بھی تشکیل دیا گیا ہے۔ تاکہ مذہبی رہنماؤں کے ذریعے پاک چین تعلقات کو فروغ دیا جائے۔ کہ اس قسم کے مطالعاتی دوروں سے ایک دوسرے کو سمجھنے اور آپس میں انفارمیشن شیئرنگ سے مثبت اثرات مرتب ہوتے ہیں اور دونوں ممالک کی دوستی مزید گہری ہوتی ہے۔وفد کی میزبانی عوامی جمہوریہ چین کی وزارت خارجہ کریگی