سعودی عرب ،40 منٹ سے حرکت قلب بند ایک غیرملکی مریض کو بچالیا گیا

مریض کو انتہائی نگہداشت میں منتقل کر دیا گیا ہے جہاں اس کا مزید علاج کیا جائے گا،رپورٹ

جمعہ 21 جولائی 2023 12:53

سعودی عرب ،40 منٹ سے حرکت قلب بند ایک غیرملکی مریض کو بچالیا گیا

ریاض(اُردو پوائنٹ اخبارتازہ ترین - این این آئی۔ 21 جولائی2023ء) سعودی عرب کے علاقے حائل میں ماہر امراض قلب اس وقت ایک غیرملکی شہری کی جان بچانے میں کامیاب ہو گئے جب اسے ہسپتال میں لایا گیا تو اس کے دل کی دھڑکن رکی ہوئی تھی اور حرکت قلب بند ہوئے چالیس منٹ ہو چکے تھے۔میڈیارپورٹس کے مطابق حایل ہیلتھ حکام نے تصدیق کی کہ کنگ سلمان سپیشلسٹ ہسپتال کی ایمرجنسی میڈیکل ٹیم کو ایک فلپائنی باشندے کا کیس موصول ہوا جسے دل کا دورہ پڑا تھا۔

(جاری ہے)

دل کا دورہ پڑنے کے دوران اس کے دل کے پٹھے کام کرنا چھوڑ گئے تھے۔اس کیس کا علاج کرنے والی میڈیکل ٹیم نے تصدیق کی کہ ایکمو پرفیوژن ڈیوائس اور شہ رگ کے پمپ کے ذریعے تقریبا 40 منٹ تک کارڈیو پلمونری ریسیسیٹیشن کی گئی۔مریض کو انتہائی نگہداشت میں منتقل کر دیا گیا ہے جہاں اس کا مزید علاج کیا جائے گا۔یہ بات قابل ذکر ہے کہ شاہ سلمان سپیشلسٹ ہسپتال کے ہارٹ سنٹر نے گذشتہ چھ مہینوں کے دوران 1,230 کیتھیٹرائزیشن آپریشن کیے، جبکہ کارڈیک کیئر نے 962 مریضوں کا علاج کیا اور 568 مریضوں کو علاج کی خدمات فراہم کی گئیں۔