نگراں وزیراعلی سندھ نے صوبے بھر میں بڑھتے ملیریا کے کیسز کا نوٹس لے لیا

ملیریا کے خلاف مہم چلائی جائے اور ایک ہفتے میں ملیریا کو کنٹرول کیا جائے،جسٹس(ر) مقبول باقر کی محکمہ صحت کو ہدایت

اتوار 27 اگست 2023 20:50

کراچی(اُردو پوائنٹ اخبارتازہ ترین - این این آئی۔ 27 اگست2023ء) نگراں وزیراعلی سندھ جسٹس(ر)مقبول باقر نے صوبے بھر میں بڑھتے ملیریا کے کیسز کا نوٹس لیتے ہوئے کہا ہے کہ ملیریا کے کیسز حیدرآباد، میرپورخاص، لاڑکانو اور سکھر ڈویژنوں سے زیادہ رپورٹ ہو رہے ہیں۔ انہوں نے یہ بات آج بروز اتوار وزیراعلی ہائوس سے اپنے جاری کردہ بیان میں کہی۔

(جاری ہے)

محکمہ صحت اور محکمہ بلدیات ضروری اقدامات کرنے کی ہدایات دیتے ہوئے نگراں وزیراعلی سندھ جسٹس (ر)مقبول باقر نے ملیریا کے خلاف مہم چلائی جائے اور ایک ہفتے میں ملیریا کو کنٹرول کیا جائے۔

انہوں نے مزید کہا کہ تمام سرکاری اسپتالوں میں ملیریا کی ادویات اور وارڈز کے انتظامات ہونے چاہئے۔ جسٹس (ر)مقبول باقر نے کہا کہ محکمہ بلدیات اپنے اپنے علاقوں میں مچھر مار اسپرے شروع کروائیں۔ انہوں نے مزید کہا کہ سالڈ ویسٹ مینجمنٹ سمیت متعلقہ ادارے صفائی ستھرائی کے انتظامات کو مزید بہتر بنائے۔