فراڈ کا الزام ، ترکیہ میں کرپٹو ایکسچینج کے مالک کو 11,196 سال قید

ہفتہ 9 ستمبر 2023 20:28

انقرہ (اُردو پوائنٹ اخبارتازہ ترین - آن لائن۔ 09 ستمبر2023ء) ترکیہ میں ایک کرپٹو ایکسچینج کے مالک کو سرمایہ کاروں کے ساتھ دھوکہ دہی کے جرم میں 11 ہزار 196 سال قید کی سزا سنا دی گئی۔

(جاری ہے)

غیر ملکی خبر رساں ادارے کے مطابق 29 سالہ فاروق فتح اوزر 2021 میں اپنی تھوڈیکس ایکسچینج کے اچانک گرنے کے بعد سرمایہ کاروں کے اثاثے لے کر البانیہ فرار ہو گیا تھا، اسے گزشتہ سال البانیہ میں انٹرپول کے وارنٹ پر گرفتار کرکے ترک حکام کے حوالے کیا گیا۔

ترک میڈیا کے مطابق اوزر کا عدالت میں کہنا تھا کہ اگر میرا ارادہ مجرمانہ ہوتا تو میں شوقیہ طور پر کام نہ کرتا، میں اتنا ہوشیار ہوں کہ زمین پر کسی بھی ادارے کی قیادت کر سکتا ہوں۔ میڈیا رپورٹ کے مطابق استغاثہ نے اوزر کو 40,562 سال قید کی سزا سنانے کی اپیل کی تھی۔ استنبول میں ہونے والے ٹرائل میں ملزم کی بہن سیراپ اور بھائی گوون کو بھی انہی الزامات میں قصوروار پایا گیا ہے۔