ملزم نے جوتا جج کو دے مارا خوش قسمتی سے لگا نہیں

عدالت کاملزم کے اس عمل پر سخت برہمی کا اظہار ،6 ماہ قید کی سزا ، ایک ہزار روپے جرمانہ بھی عائد

بدھ 20 ستمبر 2023 14:42

ملزم نے جوتا جج کو دے مارا خوش قسمتی سے لگا نہیں

کراچی(اُردو پوائنٹ اخبارتازہ ترین - این این آئی۔ 20 ستمبر2023ء) ملزم نے جوتا جج کی جانب اچھال دیا تاہم وہ انہیں لگا نہیں جج نے برہمی کا اظہار کیا ۔ تفصیلات کے مطابق ماڈل کرمنل ٹرائل کورٹ ضلع وسطی کے ایڈیشنل ڈسٹرکٹ اینڈ سیشن جج عبدالحفیظ لاشاری کی عدالت میں پیش کیے گئے ملزم نے جوتا جج کو دے مارا۔ خوش قسمتی سے جوتا جج کو نہیں لگا۔

(جاری ہے)

قبل ازیں ملزم کو منشیات کے مقدمے میں ماڈل کورٹ میں پیش کیا گیا۔

ملزم نے جوتا جج کی جانب اچھالنے کے بعد کہا کہ اب مجھے سزا دو۔ عدالت نے ملزم کے اس اقدام پر سخت برہمی کا اظہار کیا۔ بعد ازاں عدالت نے ملزم تسلیم کو 6ماہ قید کی سزا سنادی۔ عدالت نے ملزم پر ایک ہزار روپے جرمانہ بھی عائد کردیا۔ملزم کے خلاف منشیات کا مقدمہ درج ہے۔ ملزم کی جانب سے جج کو جوتا مارنے کی خبر پھیل گئی۔