بالی ووڈ فلم ’’جوان‘‘500 کروڑ کا سنگ میل عبور کرنے میں کامیاب

جمعہ 22 ستمبر 2023 22:12

ممبئی (اُردو پوائنٹ اخبارتازہ ترین - آن لائن۔ 22 ستمبر2023ء) بالی ووڈ کی میگا تھرلر ایکشن فلم جوان نے ہندی سینما میں 500 کروڑ کا سنگ میل عبور کرلیا۔ بھارتی میڈیا ذرائع کے مطابق اداکار شاہ رخ خان کی فلم عالمی سطح پر جلد ایک ہزار کروڑ کا مجموعی بزنس کرکے نیا ریکارڈ قائم کرے گی۔

(جاری ہے)

500 کروڑ کے ساتھ بالی وڈ کنگ کی فلم انڈین باکس آفس پر چھٹے نمبر پر موجود ہے اور اسے یہ سنگ میل حاصل کرنے میں صرف دو ہفتے کا عرصہ لگا۔

جوان نے پہلے دن انڈین سینما میں 75 کروڑ کا بزنس کیا تھا جبکہ پہلے دن سب سے زیادہ بزنس کرنے کا پہلا نمبر آر آر آر کے پاس ہے جس نے 134 کروڑ کمائے تھے۔ آر آر آر نے ایک ہفتے میں 477 کروڑ کا بزنس حاصل کیا جبکہ جوان کا ایک ہفتے کا بزنس 206 کروڑ تک پہنچا ہے۔ انڈین باکس آفس میں مجموعی طور پر سب سے زیادہ بزنس کرنے والی فلم باہوبلی2 ہے جو 1031 کروڑ کے ساتھ سرفہرست ہے۔