امریکی سینیٹررابرٹ مینن ڈیز، اہلیہ پررشوت کے الزام میں فردِ جرم عائد

ہفتہ 23 ستمبر 2023 15:59

واشنگٹن(اُردو پوائنٹ اخبارتازہ ترین - این این آئی۔ 23 ستمبر2023ء) امریکی سینیٹر رابرٹ مینن ڈیز اور ان کی بیوی پر رشوت لینے کے الزام میں فردِ جرم عائد کردی گئی ہے۔غیرملکی خبررساں ادارے کے مطابق ان دونوں پر اختیارات اور اثر و رسوخ کو غلط استعمال کرنے، بھاری رشوت لینے اور مصر کی حکومت کو فائدہ پہنچانے کے الزامات ہیں۔

(جاری ہے)

ڈیموکریٹک پارٹی کے رابرٹ مینن ڈیز، امریکا کی طاقتور سینیٹ خارجہ تعلقات کمیٹی کے چیئرمین ہیں اور ان پر مصری حکام کو حساس معلومات فراہم کرنے کا بھی الزام ہے۔

دونوں میاں بیوی کے گھر کی تلاشی کے دوران ایک لاکھ ڈالر مالیت کا سونا اور 4 لاکھ 80 ہزار ڈالر نقد رقم برآمد ہوئی۔ سینیٹر مینن ڈیز کے خلاف 6 سال پہلے بھی کرمنل کیس چلا تھا لیکن جیوری ڈیڈلاک کی وجہ سے وہ مقدمہ خراج ہوگیا تھا۔