نوازشریف نے شہبازشریف کو اہم ٹاسک سونپ دیا ، (کل ) وطن واپسی کا امکان

بدھ 27 ستمبر 2023 18:51

لاہور (اُردو پوائنٹ اخبارتازہ ترین - این این آئی۔ 27 ستمبر2023ء) پاکستان مسلم لیگ (ن) کے قائد و سابق وزیر اعظم نواز شریف نے اپنی واپسی کے معاملے پر پارٹی صدر شہباز شریف کو اہم ٹاسک سونپ دیا جس کے باعث شہباز شریف کی کل ( جمعرات ) وطن واپسی کا امکان ہے ۔پارٹی ذرائع کا کہنا ہے کہ قائد مسلم لیگ (ن) نواز شریف نے اپنی واپسی کے معاملے پر پارٹی صدر شہباز شریف کو پاکستان جاکرقانونی معاملات دیکھنے کی ہدایت کی ہے ۔

شہباز شریف آج ( جمعرات ) لندن سے پاکستان پہنچیں گے اور قانونی ٹیم سے اہم مشاورتی میٹنگ کریں گے۔

(جاری ہے)

پارٹی ذرائع کے مطابق مریم نواز قائد (ن) لیگ کے استقبال کی تیاریوں کی نگرانی کریں گی اور اس سلسلے میں پارٹی کے عہدیداروں، ونگز اور تنظیموں کو متحرک کریں گی۔واضح رہے کہ گزشتہ دنوں سابق وزیراعظم شہباز شریف نے تمام لیگی رہنمائوں کو بیرون ملک سفر سے روک کر نواز شریف کے استقبال کی تیاریاں کرنے کی ہدایت کی تھی۔قبل ازیں لندن میں ہونے والی اہم میٹنگ میں نواز شریف نے پارٹی احتساب کا بیانیہ لے کر ہی انتخابی میدان میں اترنے کا فیصلہ کرتے ہوئے کہا تھا کہ ملک کے مستقبل سے کھیلنے والوں کا احتساب کیے بغیر پاکستان ترقی نہیں کر سکتا۔