اسلام آبادکے مختلف علاقوں سے 14جرائم پیشہ عناصر گرفتار

ملزمان سے شراب ،چرس، ہیر وئن اور غیر قانونی اسلحہ برآمد،مقدمات درج

ہفتہ 30 ستمبر 2023 16:50

اسلام آباد(اُردو پوائنٹ اخبارتازہ ترین - این این آئی۔ 30 ستمبر2023ء) اسلام آباد کیپیٹل پولیس کی جرائم پیشہ عناصرکیخلاف کارروائیاں جاری،24گھنٹوں کے دوران مختلف علاقوں سے 14جرائم پیشہ عناصر کو گرفتارکرکے شراب ،چرس، ہیر وئن اور غیر قانونی اسلحہ برآمدکرلیا۔

(جاری ہے)

تفصیلات کے مطابق اسلام آ باد کیپیٹل سٹی پولیس آفیسرڈاکٹر اکبر نا صر خاں کے خصوصی احکامات کی روشنی میں اسلام آباد کیپیٹل پولیس کا ضلع بھرمیں جرائم پیشہ عناصرکیخلاف بلاتفریق کارروائیوں کاسلسلہ جاری ہے،گزشتہ24گھنٹوں کے دوران اسلام آباد کیپیٹل پولیس نے مختلف قانونی کارروائیو ں کے دوران 14جرائم پیشہ عنا صر کی گرفتاری عمل میں لائی، تھانہ سیکرٹریٹ پولیس نے منشیات فروشی میں ملوث ملزم شہزاد علی کو گرفتار کرکے اس کے قبضہ سے 1100گرام چرس برآمد کر لی،تھانہ کوہسار پولیس نے منشیات فروشی میں ملوث ملزم شفیق مسیح کو گرفتار کر کے اس کے قبضہ سے 620گرام ہیروئن برآمد کر لی،تھانہ کراچی کمپنی پولیس نے ملزم عاصم رزاق کو گرفتار کو اس کے قبضہ سے 10بوتلیں شراب برآمد کر لی،تھانہ نون پولیس نے ملزم محمد اعجاز کو گرفتار کر کے اس کے قبضہ سے 30بور پستول برآمد کر لیا،تھانہ کھنہ پولیس نے منشیات فروشی اور ناجائز اسلحہ رکھنے کے جرم میں چار ملزمان محمد فیصل،سلمان مجاہد،عامر مشتاق اور شاہ زیب کو گرفتار کر کے ان کے قبضہ سے 1,011سے ہیروئن اور 30بور پستول معہ ایمونیشن برآمد کر لیا،تھانہ کورال پولیس نے محمد ولید کو گرفتارکر کے اس کے قبضہ سے 30بورپستول برآمد کر لیا،جبکہ غیرقانونی طورپر پٹرول فروخت کرنے پر ملزم کامران کو گرفتار کر لیا،تھانہ سہالہ پولیس نے منشیات فروشی میں ملوث ملزم صدام حسین کو گرفتار کر کے اس کے قبضہ سے 400گرام چرس برآمد کر لیا،تھانہ ہمک پولیس نے ملز م بلال افضل کو گرفتار کر کے اس کے قبضہ سے 30بور پستول برآمد کر لیا،تھا نہ لوہی بھیر پولیس نے ملزم واصل خان کو گرفتار کر کے اس کے قبضہ سے 32بور ریوالور برآمد کر لیا،تھانہ بہارہ کہو پولیس نے ملزم محمد ارشد کو گرفتار کر کے اس کے قبضہ سے 1120گرام چرس اور 15گرام آئس بر آمد کر لی،گرفتار ملزمان کے خلاف مختلف تھانہ جات میں مقدما ت درج کرکے مزید تفتیش جاری ہے،آئی سی سی پی اوڈاکٹر اکبرناصر خاں نے کہا کہ اسلام آباد کیپیٹل پولیس منشیات و شراب فروشی جیسے گھناؤنے کاروبار میں ملوث عناصر کو ہر صورت قانون کے کٹہرے میں لائے گی،شہریوں کے تعاون سے اسلام آباد کیپیٹل پولیس شہر کو امن کا گہوارہ بنانے میں تمام تر وسائل بروئے کار لارہی ہے،شہری کسی بھی مشکوک شخص یا سر گرمی کے متعلق اپنے متعلقہ تھانہ یا "پکار"15-پرفوری اطلاع دیں۔