بلوچستان میں دہشت گردی کے تمام بڑے واقعات میں ’را‘ ملوث رہا ہے،ہر پاکستانی کے خون کا بدلہ لیا جائے گا،وفاقی وزیرداخلہ میر سرفراز بگٹی کی پریس کانفرنس
ہفتہ 30 ستمبر 2023 17:30
(جاری ہے)
انہوں نے کہ دہشتگردوں کی طرف سے جو حملے ہو رہے ہیں، ظاہر ہے اس کی تحقیقات کر رہے ہیں، بسا اوقات یہ ہوتا ہے کہ حملہ کوئی اور کرتا ہے لیکن قبول کوئی اور کرتا ہے، جو مرضی ہو، داعش، کالعدم تحریک طالبان پاکستان یا کوئی اور ہو، کسی بھی نام پر تشدد کر رہا ہے، ہم (ان کے پیچھے) جائیں گے۔
ان کا کہنا تھا کہ جمعیت علمائے اسلام (ف) کے رہنما حافظ حمد اللہ پر جو حملہ ہوا ہے، ہم نے اس کے ماسٹر مائنڈ کو مارا ہے، جو لوگ سہولت کاری کا کردار ادا کررہے ہیں، جو بھی کر رہا ہے، وہ کوئی بھی ہو، آپ اس کو جو بھی نام دے دیں، ہمارے لیے سب ایک ہی ہیں، سب کوایک جگہ سے ہینڈل کیا جارہا ہےاوران سب کے پیچھے (بھارتی خفیہ ایجنسی) ’ را’ ہے، بلوچستان میں جتنے بھی بڑے واقعات ہوئے ہیں، ان سب میں ’را‘ ملوث ہے، جو قوتیں پاکستان میں عدم استحکام پیدا کرنا چاہتی ہیں، ہم ان کے خلاف جائیں گے۔ایک سوال کے جواب انہوں نے کہا کہ بنیادی بات یہ ہے کہ ہم اپنی سیکیورٹی کے حوالے سے ایک جامع معائنہ کریں گے، اس طرح آپ نے دیکھا ہوگا کہ 12 ربیع الاول کے حوالے سے اس سے پہلے کوئی حملہ نہیں ہوا ہے، بلوچستان میں یہ پہلا حملہ ہے، جو 12 ربیع الاول کے حوالے سے ہوا ہے، اس سے پہلے ہزارہ کمیونٹی کو ٹارگٹ کیا جاتا رہا۔انہوں نے کہا کہ محرم کے حوالے سے بھی ٹارگٹ ہوئے، قانون نافذ کرنے والے اداروں کو نشانہ بنایا گیا،آیا اس کے لیے ایس او پیز طے کی گئی تھیں،صوبائی حکومت اپنے طور پر دیکھ رہی ہے۔وفاقی وزیر داخلہ نے بتایا کہ ڈیرہ بگٹی سے اغوا ہونے والے چار (فٹ بالر) تو آگئے ہیں اور باقی 2 بھی جلد بازیاب ہو جائیں گے، ایک سوال کے جواب میں انہوں نے بتایا کہ ریاست نے یہ تہیہ کر لیا ہے کہ دہشت گردوں کے خلاف زیرو ٹالرنس ہوگی اور ہم آخری دہشت گرد تک جائیں گے، انشا اللہ تعالیٰ ان کا قلع قمع کریں گے،انہوں نے کہا کہ دہشت گردوں نے عید میلاد النبیؐ کے جلوس میں شرکت کرنیوالوں کو ٹارگٹ کیا، مستونگ دھماکے کے زخمیوں کا علاج معالجہ بہترین ہسپتالوں میں کرینگے،نگران وزیر داخلہ کا کہنا ہے کہ تمام ادارے ان دہشتگردوں کیخلاف ملکر کارروائی کریں گے، ہم ان دہشتگردوں کے آگے سرینڈر نہیں کریں گے، ایک ایک پاکستانی کے خون کا حساب لیا جائے گا،جو بھی تنظیم ہو اگر وہ انتہا پسندی کررہی ہے تو اس کیخلاف کارروائی ہوگی۔مزید قومی خبریں
-
پی ٹی آئی اور مولانا اکٹھے ہوگئے تو حکومت تین سے چار ماہ سے زیادہ نہیں چلے گی،فواد چودھری
-
اسٹیبلشمنٹ سے مذاکرات سب کے سامنے ہوں گے، کوئی پوشیدہ بات نہیں ہوگی، علی امین گنڈاپور
-
مرضی کے فیصلوں کیلئے ججوں پر دبائو بڑھایا جارہا ہے، شعیب شاہین
-
نارنگ منڈی، جہیز میں گاڑی نہ لانے کا رنج ، شوہر نے فائرنگ کر کے بیوی کو قتل کر دیا
-
وزیر اعلیٰ مریم نواز (کل )30 سے زائد فیلڈ ہسپتالوں کا افتتاح کریں گی
-
وزیراعلیٰ پنجاب مریم نواز کی زیر صدارت صوبائی کابینہ کااجلاس
-
فواد چوہدری کی حاضری معافی کی درخواست منظور
-
وزیر اعلی مریم نوازکی زیر صدارت اجلاس ، پنجاب انٹی گریٹڈ پبلک پراسیکیوشن سسٹم نافذ کرنے کا فیصلہ
-
خالد مقبول صدیقی کا نیشنل یونیورسٹی آف ٹیکنالوجی کا دورہ
-
پاکستان کرغزستان کے ساتھ تعلقات کو بہت اہمیت دیتا ہی: گورنر پنجاب محمد بلیغ الرحمان
-
شریف خاندان اور زرداری دونوں بادشاہت چاہتے ہیں، شیریں مزاری
-
عام انتخابات میں نیٹ ورک اور انٹرنیٹ معطل کرنا آزادی اظہار پر پابندی تھا، رپورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.