وفاقی پولیس کی جرائم پیشہ عناصرکیخلاف کارروائیاں ،7 گرفتار،منشیات و غیر قانونی اسلحہ برآمد

اتوار 1 اکتوبر 2023 18:10

اسلام آباد(اُردو پوائنٹ اخبارتازہ ترین - این این آئی۔ 01 اکتوبر2023ء) اسلام آباد کیپیٹل پولیس کی جرائم پیشہ عناصرکیخلاف کارروائیاں جاری،24گھنٹوں کے دوران مختلف علاقوں سی7جرائم پیشہ عناصر کو گرفتارکرکے منشیات اور غیر قانونی اسلحہ برآمدکرلیا۔

(جاری ہے)

تفصیلات کے مطابق اسلام آ باد کیپیٹل سٹی پولیس آفیسرڈاکٹر اکبر نا صر خاں کے خصوصی احکامات کی روشنی میں اسلام آباد کیپیٹل پولیس کا ضلع بھرمیں جرائم پیشہ عناصرکیخلاف بلاتفریق کارروائیوں کاسلسلہ جاری ہے،گزشتہ24گھنٹوں میں اسلام آباد کیپیٹل پولیس نے مختلف قانونی کارروائیو ں کرتے ہوئے 07 جرائم پیشہ عنا صر کی گرفتاری عمل میں لائی،تھانہ آبپارہ پولیس ٹیم نے ملزم عبدالرحمان کو گرفتار کرکے ایک عدد نائن ایم ایم پستول معہ ایمونیشن برآمد کر لیا ، تھانہ مارگلہ پولیس نے ملزم محمد شہزاد کو گرفتار کرکے 06کین شراب برآمد کرلی، تھانہ نون پولیس نے ملزم شاکر اللہ کو گرفتار کرکے ایک عدد تیس بور پستول برآمد کرلیا، تھانہ کرپا پولیس نے ملزم گل رزاق کو گرفتار کرکے ایک عدد خنجر برآمد کرلیا، تھانہ لوہی بھیر پولیس نے دو ملزمان محمد تنویراور محمد اشرف کو گرفتار کرکے ایک عدد تیس بور پستول اور 345گرام ہیروئن برآمد کرلی ، تھانہ شہزاد ٹاؤن پولیس نے ملزم عبدالرحمان کو گرفتار کرکے ایک عدد تیس بور پستول معہ ایمونیشن برآمد کرلیا، گرفتار ملزمان کے خلاف مختلف تھانہ جات میں مقدما ت درج کرکے مزید تفتیش جاری ہے،آئی سی سی پی اوڈاکٹر اکبرناصر خاںنے کہا کہ اسلام آباد کیپیٹل پولیس منشیات و شراب فروشی جیسے گھناؤنے کاروبار میں ملوث عناصر کو ہر صورت قانون کے کٹہرے میں لائے گی،شہریوں کے تعاون سے اسلام آباد کیپیٹل پولیس شہر کو امن کا گہوارہ بنانے میں تمام تر وسائل بروئے کار لارہی ہے،شہری کسی بھی مشکوک شخص یا سر گرمی کے متعلق اپنے متعلقہ تھانہ یا "پکار"15 پرفوری اطلاع دیں۔