ش*پاکستان مسلم لیگ (ن) یوتھ والنٹئیرز کا اجلاس ، مریم نواز شریف نے صدارت کی

اتوار 1 اکتوبر 2023 19:20

م لاہور (اُردو پوائنٹ اخبارتازہ ترین - آن لائن۔ 01 اکتوبر2023ء) پاکستان مسلم لیگ (ن) یوتھ والنٹئیرز کا اجلاس منعقد ہوا۔ سینئر نائب صدر اور چیف آرگنائزر مریم نواز شریف نے اجلاس کی صدارت کی ۔ مریم نواز شریف کی اجلاس میں آمد پر یوتھ والنٹیئرز نے پرجوش نعروں سے زبردست استقبال کیا۔ اجلاس میں قائد محمد نواز شریف کے 21 اکتوبر کو استقبال کے حوالے سے مشاورت کی گئی ۔

مریم نواز شریف نے یوتھ والنٹیئرز کے جوش و جذبے کو خراج تحسین پیش کیا اور کہا کہ نواز شریف بھی آپ اور عوام سے ایسے ہی محبت کرتے ہیں، 21 اکتوبر کو عوام ثابت کریں گے کہ قائد صرف نواز شریف ہیں، نواز شریف پاکستان کو بحرانوں سے نکالنے آ رہے ہیں۔ انہوں نے کہا کہ نواز شریف پاکستان کے زخموں پر مرہم ہے، اللہ تعالیٰ نے ہمیشہ نواز شریف کو سرخرو اور سربلند کیا، نظام کی اصلاح، عوام کی فلاح نواز شریف کا مقصد ہے، نواز شریف معیشت بحال، دہشت گردی کا خاتمہ کریں گے۔

(جاری ہے)

مریم نواز نے کہا کہ ہمیشہ کہتی ہوں کہ نواز شریف کی دی ہوئی ترقی نکال دیں تو پاکستان میں صرف کھنڈرات بچیں گے، نواز شریف عوام کو مہنگائی سے نجات، نوجوانوں اور مزدوروں کے لئے روزگار، امن اور ترقی کے ایک نئے دور کا آغاز کریں گے، ہم نے قوم کی خدمت کا ایک لمحہ ضائع کیا نہ آئیندہ کریں گے۔ اجلاس سے خواتین عہدیداروں سے بھی خطاب کیا اور کہا کہ 21 اکتوبر کو اپنے قائد نواز شریف کا بھرپور استقبال کریں گے، اپنے بچوں اور فیمیلیز کے ہمراہ قوم کے مسیحا کو خوش آمدید کہیں گی